Featured Local

Posibilidad di reparticion pa Venezolanonan riba 10 juli 2021


Ministerio di Husticia conhuntamente cu Directorado di Relacionnan Exterior cu cooperacion cu Consul di Venezuela ta haci esfuerso pa por ehecuta un vuelo di reparticion riba 10 di juli binidero si tin suficiente interes.

Na e momentonan aki tin varios Venezolano na Corsou cu debi na diferente factor ta desea di regresa nan pais. Aparte di esaki, tin personanan procedente di Venezuela cu na e momento aki ta detene en espera di regreso pa nan pais despues di a trata di drenta Corsou di forma indocumenta of – cu despues di a drenta di forma legal – no a haci e peticionnan necesario pa estadia legal y consecuentemente a bini den contacto cu Husticia. Actualmente, ainda no tin vuelo comercial entre Corsou y Venezuela cu por facilita e personanan aki regreso pa nan pais.

En bista di esaki, Minister di Husticia ta den combersacion cu Consul di Venezuela pa logra realisa un vuelo humanitario pa dia 10 di juli proximo.

Por lo pronto pasashinan ta na benta te cu 30 di juni proximo pa 6’or di atardi na Curaçao Handling Agent den Pietermaai Parking Mall na un prijs di Naf 436,– incluso airport tax. Pa e vuelo aki lo tin un cantidad di luga disponibel. Un PCR-test di 48 ora prome cu e vuelo, cu ta demostra cu e persona concerni a test negativo pa Covid-19, ta exigi.

Ta bon pa remarca cu Venezolanonan cu pa un of otro motibo a drenta Corsou na forma ilegal, lo no bini na remarca pa e trayecto di “Integrashon Responsabel”. Si e personanan aki dicidi di biaha boluntariamente y no a ricibi un decision di expulsion anteriormente, nan lo no ricibi un decision ministerial di expulsion (verwijderingsbeschikking). Consecuentemente, no lo prohibi nan pa regresa Corsou denter di 3 aña y lo por haci un peticion pa estadia legal despues di a bandona Corsou.

Si tin residente di Corsou cu ainda ta pega na Venezuela, nan tambe por haci uzo di e vuelo aki y laga cumpra nan ticket cerca Curaçao Handling Agent. Den cuadro di desaroyonan pa loke ta Covid-19, nan lo mester tene cuenta cu e reglanan vigente pa drenta Corsou manera describi riba www.gobiernu.cw.

Related posts

Anuncio di Morto : A fayece Sr. Jose de Nascimento da Silva

EA News Author

Pone bon atencion: Tur prikpost di LabHOH ta traha segun afspraak so!

EA News Author

Minister Andin Bikker: Bureau city inspector contento cu perspectiva nobo pa e departamento BCI controla ley di animalnan domestico

EA News Author

Leave a Comment