Uncategorized

Kon mi ta proponé un hende komo suidadano di honor pa dia di boneiru


Bo konosé un hende ku segun Bo meresé Suidadania di Honor di gobièrnu? Proponé e persona aki!

 

E Suidadania di Honor anual ta tuma lugá riba Dia di Boneiru. E dia aki ta e oportunidat perfekto pa gradisí nos hendenan pa e trabounan ku nan ta hasi pa komunidat. Den esaki méritonan personal i prestashonnan ku un balor speshal pa komunidat ta para sentral.

Kondishonnan

  • Suidadania di Honor ta keda otorgá komo muestra mas haltu di apresio, na personanan natural ku pa loke ta konserní nos isla Boneiru a hasi nan mes meritorio na un manera eksepshonal, inovativo i duradero.
  • E prestashonnan eksepshonal ku ta pertenesé na un persona, esfuersonan di karakter eksepshonal òf prestashonnan a base di talentonan spesial tin un influensia real riba bienestar, prosperidat i nòmber di Boneiru i ta kubri terenonan gubernamental, sosial, deportivo, kultural, karitativo, ekonómiko òf sientífiko.
  • Por otorgá Suidadania di Honor na habitantenan, anterior habitantenan òf

no-habitantenan di Boneiru riba kondishon ku nan ta kumpli ku e stipulashonnan formulá den e stipulashonnan menshoná aki riba.

 

Kon mi ta proponé un hende komo Suidadano di Honor?

Bo ke proponé un hende pa Suidadania di Honor? E ora ei yena e formulario di proposishon. Por pidi un vershon pa yena digitalmente òf na man serka Seferina Saragoza di departamentu di SKAL, via imeil na seferina.saragoza@bonairegov.com, òf via telefon 715-5323.

 

E formulario di proposishon yená mester ta entregá pa mas tardá 1 di ougùstùs 2021 na departamentu di SKAL.

 

Riba e formulario di proposishon Bo ta yena e méritonan spesial (òf e prestashon spesial) di e persona enbolbí, inkluso e durashon di tempu di e méritonan aki.

 

Bo por dirigí Bo proposishon na departamentu di SKAL, at. Rina Saragoza, Kaya Kachi Craane 34. Bo por manda Bo proposishon digitalmente tambe, dor di manda un imeil pa seferina.saragoza@bonairegov.com, òf entregá esaki na bali di departamentu di SKAL.

 

Departamentu di SKAL lo trata bo proposishon konfidensialmente.

Mas informashon tokante proponementu di un Suidadano di Honor bo por haña serka Seferina Saragoza, via telefon 715-5323, imeil seferina.saragoza@bonairgov.com.

Related posts

Anuncio di Morto: A fayece Imelda Amasilia Augusta Polsbroek-Engelhart

EA News Author

Minister di Desaroyo ekonómiko Steven Martina:For di 4 di yanüari 2021, empresanan por apliká pa un sosten

EA News Author

175 aña sirbiendo comunidad y mas promocion den KPA

EA News Author

Leave a Comment