Featured Local Politica

Minister di Ministerio di Desaroyo Sosial, Labor i Bienestar Sra.Larmonie- Cecilia korsou ta na prome luga


Minister di Ministerio di Desaroyo Sosial, Labor i Bienestar Sra.Larmonie- Cecilia ta para pa igualdat, dignidat i oportunidat, kaminda komunidat di Kòrsou ta na promé lugá.
Sra.Larmonie –Ceclia ta di opinion ku kada usuario di ántes karchi sosial tin derecho di por hasi uso di su karchi di banko den kualke supermerkado sin ku su bisiña mester sa ku e ta dependiendo di sosten di Gobièrnu pa por alimentá su mes i òf su famia.

Sra.Larmonie –Ceclia a tuma nota di e karta di e konsehero hurídiko di Suvecu den kual a notifiká Gobièrnu ku entrante djasabra 19 di yüni próksimo, e miembronan di Suvecu lo stòp di aseptá e karchi sosial di Ministerio di Desaroyo Sosial, Labor i Bienestar pa kompra den nan supermerkadonan.Suveco a informá Ministerio di Desaroyo Sosial, Labor i Bienestar ku nan ke traspasá na un sistema nobo di karchi ku kual nan ta risibí nan plaka mes ora, sin tin ku manda faktura aden pa aprobashon pa risibí nan pago.

Mirando e posibilidatnan huntu ku Gobiernu su banko di kas, Ministerio di Desaroyo Sosial, Labor i Bienestar lo introdusí un sistema di karchi di banko pa remplasá e sistema di karchi sosial ku ta aplikabel na e momento aki. E sistema di karchi di banko ta den preparashon i pronto na luna di Juli lo keda introdusí. Sra.Larmonie- Cecilia ta di opinion ku e sistema nobo di karchi di banko aki ta solushoná tur e opheshonnan ku Suvecu tin kontra e sistema aktual. Por konkluí ku tantu Suvecu i Gobièrnu por ta satisfecho ku e solushon aki.

Sra.Larmonie-Cecilia ke a ekstendé su gratitut na Suvecu pa nan sosten ku nan a brinda na Gobièrnu durante e lunanan tras di lomba i ke enfatisá ku usuario mester por hasi uso di nan karchi di un forma anónimo i na tur supermerkado rònt Kòrsou.

Pa e motibu aki Kobradónan di ònderstant lo risibí nan rekargo djabièrnè 25 yüni riba nan kuenta di banko i buskadó di trabou huntu ku eks usuarionan di karchi di krus kòrá ku a registrá na Ministerio di Desaroyo Sosial, Labor i Bienestar lo risibí nan rekargo djaluna 5 di yüli.

Den transkurso di e dianan aki Ministerio di Desaroyo Sosial, Labor i Bienestar lo duna mas informashon pa konsientisá usuarionan pa kon manehá nan presupuesto.

Sra.Larmonie- Cecilia ta notifiká tur usuario di karchi sosial pa kombustibel ku por hasi uso di e saldo disponibel te ku djabièrnè 18 di yüni próksimo.

Related posts

Pa motibu dje pandemia di Covid-19, lo no tin karnaval 2021 na Korsou

EA News Author

Corte di Prome Instancia lo trata diferente caso dia 22 april 2021

EA News Author

KVK TA SUGERI E SIGUIENTE PASONAN PA YUDA SECTOR PRIVA Y E PROBLEMA DI EMPLEO DEN E SITUACION DI CRISIS ACTUAL

EA News Author

Leave a Comment