CuracaoFeatured

MAN : Minister di finansas ta siguí gaña

Man Pin

Minister di finansas a haña un ‘dikke onvoldoende’ serka rekenkamer. E minister no sa nada
otro ku kangá saya bala bala, gaña i purba daña nòmber di hende pa skònde ku Kontroleria
General (ARC) a desenmaskar’e komo e minister di finansas mas malu ku pais a konosé.
Ora doño di un tereno duna esaki den erpacht, e doño ta keda doño di e tereno. E persona
of entidat ku haña e tereno den erfpacht, ta paga un ‘erpachtscannon’, komparabel ku’n
pago hür. Si e doño tin un kas riba e tereno, e persona ta paga un kompensashon pa e kas
na balor di e kas.
Lógiko ku dor ku pais a duna HNO Vastgoed e tereno di CMC na erfpacht, HNO tin di paga
erpachtscannon na land i tambe a komprometé su mes pa paga pa e hospital den un ‘Akte
van Schuldbekentenis’ e balor di e edifisio. E ‘Hoofdlijnenakkoord’ ku Konseho di Minister a
kanselá tabata tin mes kontenido, esta pa HNO vastgoed paga pais pa e edifisionan riba e
terenonan duná den erpacht. Ta hustamente paso HNO ta sektor kolektivo, públiko,
Konseho di Minister a kanselá e hoofdlijnen akkoord.
Pais no a fiá HNO niun sèn pretu!
Banda di esaki, Minister di Finansas sa bon bon, ku HNO ta parti di sektor kolektivo i ta kai
bou di gobièrnu. Ta p’esei Minister di Finansas por baha salaris di e spesialistanan den
hospital. Akaso minister a lubidá ku ta Korte di Hustisia mes a diktá ku HNO ta di gobièrnu?
Ademas si e struktura di CMC ta asina malu manera e minister ta pretendé, dikón e la hinka
entre otro HAP den un fundashon, ku posibilidat pa muchu mas entidat bou dje kompará ku
e dosnan ku Fundashon HNO Holding tin bou dje? Pa kolmo no ta sra. Camelia-Römer a bin
ku e struktura di HNO Holding ku entre otro Kabinete Pisas 1 a aprobá!
Konklushon
1. E manipulashon di frakaso Silvania pa kita atenshon riba su fayonan i blunder, nos no ta
kai aden.
2. Minfin gañadó Silvania ta trosé e bèrdat paso gobièrnu no a fia HNO ni un sèn i no por
pon’e esei den un akuerdo
3. E minfin di bòmboshi i “dikke onvoldoende” Silvania ta trosé bèrdat riba e realidat ku ta
pueblo por medio di gobièrnu tin tur kos di bisa CMC.
4. E struktura di HNO a keda aprobá pa Kabinete Pisas 1.

5. E minfin frakaso Silvania su úniko empeño ta pa ofendé hendenan ku sirbí e pais aki pa
hasi komo sifuera e ta e mihó minister ku a eksistí.
Por último, ta grasioso kon e minister ta purba skondé ku e la gaña Kontroleria General i ku
e la haña un ‘dikke onvoldoende’ serka Kontroleria General pa su maneho finansiero
desastroso.

Related posts

MFK ta refutá ku a pidi Minister Dorothy Pietrsz-Janga pa entregá su retiro komo Minister enkargá ku GMN

EA News Author

Despues di revelacion di cosnan serio: Oposicion cu dos carta pa reunion publico relaciona cu atraco riba WEB

EA News Author

Minister Rocco Tjon ta kere den e bon trabao di tur esunnan den Sociaal Crisisplan

EA News Author

Leave a Comment

Whatsapp Message