Una bes ku e Lei Medidanan Temporal COVID-19 a drenta na vigor, for di awor solamente e kondishonnan pa biaha pa Boneiru ta reglá den un ordenansa di emergensia. Esaki ta konsekuensia di e Lei Medidanan Temporal COVID-19 ku a drenta na vigor dia promé di desèmber. Na kuminsamentu di e pandemia tur medida di COVID-19 tabata reglá den ordenansanan di emergensia. Pero awor ku e krísis ta dura mas largu, tabata nesesario pa regla kos na un otro manera. Esaki pasobra un ordenansa di emergensia ta solamente intenshoná komo un solushon temporal.
Ta regla tur medida ku tin di aber ku diferente riesgo i fase di COVID-19 den un areglo ministerial. A base di e areglo ministerial akí for di awor gezaghèber por tuma e medidanan nesesario. Ta stipulá e medidanan aki den un dekreto di gezaghèber.
Si e situashon di COVID-19 empeorá, ta bini ku medida mas severo. Ora ku situashon drecha atrobe, ta suavisá e medidanan. Na Boneiru te ainda e medidanan di fase 2 ta na vigor.
