MAN-PIN den Parlamento di Kòrsou awe a anunsiá entrega di un amienda pa posponé e oumento di vakantieuitkering pa minister i miembronan di parlamento te despues di e periodo aktual di Parlamento. Kabinete Pisas III a presentá un lei pa aumentá sen di vakashon pa ambtenar di 6% pa 8% Na mes momentu e lei ta propone pa oumenta e sen di vakashon pa ministernan i di miembronan di Parlamento.
MAN-PIN ta bon kla: esnan ku ta traha maneho di gobièrnu no mester oumentá nan propio benefisionan simultáneamente. E oumento proponé pa funshonarionan polítiko mester drenta na vigor solamente despues di e roksimonelekshon, di manera ku e desishon lo tin efekto solamente riba un siguiente parlamento i un gobièrnu nobo. Ta trata aki di moralidad den polítika.
E paso aki ta bin na momento ku e konfiansa di suidadanonan den nos desaroyo sosio-ekonómiko di e ta bou di un preshon severo, prinsipalmente den lis di e diskushon aktual bou di nos grandinan. Nos grandinan tin añanan ta warda riba un indeksashon di nan AOV. Na mes momento, pobresa ta birando mas i mas visibel, i hopi famia ta lucha ku preis haltu di kuminda, remedi i bibienda.
“Na un momentu ku hopi siudadano no ta sigur di un bida digno, lidernan polítiko mester duna un bon ehèmpel,” asina e frakshon a deklará. Polítiko mester wòrdu tené na normanan mas haltu di responsabilidat. P’esei, e areglo pa minister i miembronan di parlamento mester ta konta solamente pa nan susesornan—no pa nan mes.
Press release: MAN-PIN