Den henter e caso di Aveztruz tres sospechoso so tin carga riba nan, esta ex Minister Benny Sivenger, Pieter Susebeek y Maria Leonsita Arends.
Vocero di ministerio publico na salida di corte a specifica cu sra. Maria Leonsita Arends a keda sentencia pa “oplichting “ y tambe pa “omkoping “ . Den prome instancia sra Maria Leonsita Arends a keda declara liber, pero ministerio publico a apela contra di esaki y hof a yega na su sentencia cu ta bisa cu tin suficiente prueba pa e “omkoping “ unda cu a duna placa na ex minister Sevinger y cu e la haya algo acambio cu ta e derecho riba erfpact.
E sentencia cu sra Maria Leonsita Arends a haya ta 24 luna di cual 12 luna condicional cu un tempo di prueba di 3 aña. Ministerio publico a pidi un geld boete pero den e caso aki hof ta bisa cu no ta haya un motibo pa dune un boet. Sra. Maria Leonsita Arends a haya un castigo di prizon di 24 luna di cual 12 luna condicional di un termino di prueba di 3 aña.
