Documentalista Natalia Rodriquez tabata e persona encarga pa duna e presentacio y e tipsnan necesario pa por busca informacion mas eficiente riba e website coleccion.aw.
Loke cu kisas hopi hende no sa e website tin dos metodo di busca informacion. Esaki ta dos manera diferente uno ta mas simpel y e otro ta mas detaya y ta bay hopi mas den contenido. Aki ta caminda cu Archivo Nacional Aruba tin e deseo pa comunidad di Aruba sa mas y compronde e sistema na momento cu mester busca informacionnan.
E presentacion duna tabata mas instructivo , con pa uza e website y tambe puntonan manera e derecho di autor cu mester tene cuenta cu ne. Na momento cu un persona scoge pa uza un material ta poni claramente kico por y kico no por haci cu ne.
Desde cu e website di coleccion.aw a bay online e la haya acogida tanto nacional y internacional, pero tambe di media nan internacional. Actualmente tin mas di 100 mil items caba riba e plataforma y pa dia ta subi 2400 hende cu ta bishita y busca informacion riba e plataforma coleccion.aw, esaki sigur ta un satisfaccion.
