Awe mainta Wardakosta a risibí un notifikashon di e ‘meldkamer’ di polis na Kòrsou ku un persona lo mester di asistensha. Durante un kaminata un señora a kai frakturá su brasa i dal kap su kabes. A konsekuensha di e slanan ku e persona a haña, e no por a sigui kana i tabata tin mester di yudansa pa sak’é for di mondi.
Despues di e notifikashon Wardakosta a dirigí e helikòpter pa yuda e persona mas lihé posibel. Na yegada na e sitio nan a enkontrá e persona unbes i a his’é pa bai kuné den e helikòpter. Mesora e helikòpter a bai direkshon di èrpòrt, kaminda tabatin un ambulans wardando riba e viktima pa transport’é pa hospital.