Den un discusion di contenido politico y social, a lanta un fuerte critica contra e practica di politiconan y lidernan partidario cu ta bay den barrionan pa pinta cas di ciudadanonan di gratis durante campaña electoral.
For di unda e placa aki ta bin ? of for di cua sponser ? of for di caha di pueblo di Aruba mes ?E accion aki no solamente ta constitui un forma di soborno indirecto pa cumpra voto, sino cu e ta funciona como un “makeup” superficial cu ta tapa e berdadero problemanan economico di e pais sin resolve e costo di bida elevá.
E analisis ta cuestiona e falta di un ehemplo di integridad di parti di e liderasgo politico. Mientrastanto cu ta exigi integridad absoluto di ambtenaarnan den departamentonan publico manera departamento di Inmigracion of Dienst Infrastructuur en Planning (DIP) unda e echo di acepta un fabor minimo of regalo ta wordo clasifica y persigui como corupcion, lidernan politico mes ta cana den barionan ofreciendo trabounan di mantencion cu un balor di entre 400 pa 1000 florin pa cada cas, buscando pa influencia e voto di e ciudadano. Esaki ta un politica cu mester stop.
Falta di integridad y desbalance ético
E discusion ta resalta cu e tipo di practicanan aki ta manda un mensahe contradictorio pa comunidad. Mientrastanto cu e ciudadano ta spera un ehemplo di moralidad di e lidernan, e acto di regala pinta cas pa haya apoyo electoral ta siña e electorado cu e voto tin un prijs material temporal. Ningun hende no ta haci nada pornada .
E ta un soborno indirecto di e votonan di bo hendenan. Bo no por exigi integridad di bo ambtenaarnan ora abo como lider ta cana den bario ta cumpra voto di e forma aki,” e analisis ta señala.
Asistencia social versus manipulacion politico
E posicion expresa ta haci un distincion claro entre e labor legitimo di fundacionnan di caridad y e manipulacion di e necesidad humano pa fiha riba eleccion electoral:
Fundacionnan y asistencia social: Ta aceptabel y necesario cu organisacionnan no-gubernamental ta brinda ayudo na famianan vulnerabel of den situacion di extrema pobreza. No ta un tarea di politico nan individual.
Campaña politico den bario: Regala verfmento di cas di manera generalisa pa motibonan electoral ta wordo categorisa como un “payasada” cu ta probecha di e necesidad di e ciudadano.
E critica ta compara e modelonan aki cu e strategianan populista uza den regimennan politico manera Venezuela y Cuba, unda e Estado of e lider di turno ta reparti biennan material of servicionan directo debi cu e ciudadano no tin e capacidad financiero pa cubri su mesun necesidadnan basico.
E problema di fondo: Costo di bida y falta di oportunidad
E punto central di e debate ta cu e pintamento di cas di 500 of 1000 florin no ta baha e costo di bida di e famia a largo plazo. Unabes cu e verf seca of pasa algun tempo, e problema economico di e cas ta keda exactamente mescos.
E responsabilidad primario di un gobierno no ta pa actua como un proveedo di fabor individual, sino pa:
1. Crea un economia fuerte y husto: Desaroya condicionnan unda e ciudadano por haya un empleo digno y e entrada suficiente.
2. Baha e costo di bida: Implementa politicanan publico eficiente pa reduci e gastonan diario di e famia.
3. Garantisa e independencia di e ciudadano: Duna e persona e libertad y e capacidad financiero pa e mes por cumpra su verf y scoge e color cu e kier pa su cas, sin mester debi un fabor politico na niun partido.
Un yamada pa un cambio di mentalidad
E discusion ta conclui cu un yamada na e comunidad, specialmente na e hubentud y e electorado den e era digital aki, pa no cay den e manipulacionnan electoral aki. Ta haci un apelacion directo pa exigi di e lidernan politico mencionando explicitamente e estilo di politica di figuranan manera Mike Eman solucionnan real, structural y sostenibel pa e problemanan di e pais, na luga di ofrece remedi temporal cu no ta soluciona e keda di e situacion economico personal di e ciudadano. Banda di esaki tur ta trahador di gobienro