Komo parti di e programa di konmemorashon riba historia di sklabitut, Sekshon di Kultura, Arte i Literatura (SKAL), den kolaborashon ku Studio Pineda i Stichting Jong Bonaire, ta presentá e impreshonante instalashon Martis di Katalina Janga: di Ántes pa Awor.
E eksperensia úniko aki ta konta e historia di Martis di Katalina Janga. Bishitantenan ta sigui un biahe visual i musikal atrabes di temanan importante manera identidat, libertat, resistensia, i e influensia di e historia di sklabitut riba nos sosiedat di awendia.
Estreno pa invitadonan
E estreno ofisial ta tuma lugá djabièrnè 25 di yüli na Jong Bonaire. E evento aki ta pa invitadonan so.
E estreno ofisial ta tuma lugá djabièrnè 25 di yüli na Jong Bonaire. E evento aki ta pa invitadonan so.
E instalashon lo ta habrí pa públiko for di djadumingu 27 di yüli te ku djaweps 31 di yüli.Bishitantenan por registrá pa un di e tres orario pa dia:
• 7:00or PM – 7:30or PM
• 8:00or PM – 8:30or PM
• 9:00or PM – 9:30or PM
Kada seshon ta dura mas o ménos 30 pa 45 minüt. Tambe lo tin tempu pa diskushon y interakshon. Tin un máksimo di 20 partisipante pa kada tempu.
Inskripshon i Reservashon
Por inskribí via Studio Pineda su páginanan di Facebook i Instagram i e página di Facebook di Sekshon di Kultura, Arte i Literatura.
Entrada ta grátis, pero mester hasi reservashon debí na espasio limitá pa seshon.
Pa mas informashon, petishon pa entrevista, òf material pa prensa por tuma kontakto ku: Segni Bernardina: +599 7965677 òf Rogen Pineda: +599 7962407
