Corsou a celebra su democracia unda cu Corsou a Sali y bay vota pa nan partido. E resultado di eleccion 2025 preliminar ta conoci. Presidente di urna electoral Richeline Joe a presenta e resultado di eleccion di Corsou. E total votonan valido ta un total di 75402 cu a ser reparti den 21 asiento y esey kiermen e cantidad di asiento cu un partido mester haya pa e por tin un asiento pa drenta den parlamento nobo ta 3590 voto.
Tin un total di 8 partido cu a bay eleccion y cada un di nan a haya nan voto cu e pueblo di Corsou a deposita nan confiansa riba nan. Partido MFK a haya 41638, Miho Corsou MK 1540,PAR 7561,Movemento kousa prome MKP 1846,MAN-PIN 6378, KEM 2526,PNP 12297,TPK 1616
E partidonan cu a haya uno of mas asiento den parlamento ta partido MFK,PAR-MAN-PIN-PNP
E partido Miho Corsou, Kousa prome ,KEM y trabou pa Corsou no a logra haya suficiente voto pa drenta parlamento di Corsou dus nan no ta forma parti di e parlamento di Corsou.
E 21 asiento ta ser parti entre MFK 11 asiento ,PAR 2 asiento -MAN-PIN 1 asiento –PNP 3 asiento esaki total ta 17 asiento y cu ta significa cu tin 4 restzetel cu ta reparti pa MFK cu ta haya 1 plus 1 restzetel cu ta hiba MFK na un total di 13 asiento, Partido PAR no ta haya restzetel y ta keda cu su dos asiento, Partido MAN-PIN ta haya un restzetel dus total lo e tin 2 asiento , PNP ta haya un restzetel y e ora ta haya 4 asiento den parlamento di Corsou.
E resultado preliminario pa cada partido ta bira cu MFK cu 13 asiento, PAR 2 asiento MAN-PIN 2 asiento –PNP 4 asiento cu ta forma un total di 21 asiento den parlamento nobo di Corsou cu lo bay sinta dia 11 di mei proximo.
Presidente di Urna Electoral ta duna di conoce cu diadomingo awo pa 8 or di anochi ta spera di por presenta pueblo e resultadonan pa cada candidato individual. Diaranson dia 26 di maart pa 10 or di mainta lo tin un reunion publico pa anuncia e resultadonan definitivo.
