Minister di finansas di Corsou Javier Silvania tabata na Aruba pa celebra cu Aruba riba dia di Betico. Den nomber di gabinete Pisas e mandatario a bin presencia e celebracion di dia di Betico na Aruba pa asina hunto celebra dia di Betico.
Pa Corsou y pa gabinete Pisas Betico Croes ta un heroe nacional y e ta un ehempel pa nos tur cu ta politico pa nos por sigui e caminda cu e la cuminsa. Segun Minister Javier Silvania gabinete Pisas tabatin un bon relacion di trabou cu e gobierno actual di Aruba y hunto a atende cu varios tema di importancia den e ultimo añanan, porehempel COHO.
Segun Minister Javier Silvania COHO ta trata di e tres islanan cu ta St Maarten, Corsou y Aruba, e tres islanan a forma un unidad na momento cu ta atende cu Hulanda paso union ta haci forsa. Cu e unidad entre e islanan tur tres isla kier a kita COHO for di mesa y a kita COHO for di mesa tambe.
Minister Javier Silvania ta kere firmemente cu union ta forsa y ta spera cu den e ultimo añanan por sigui cana hunto den e proceso na momento cu ta atende cu Hulanda. Banda di tur cos Minister Javier Silvania no por drenta den e aspecto interno di Pais Aruba mirando e Rijkswet cu tin na caminda , pero si loke cu por recomenda ta pa tur partido uni sea ta forma parti di coalicion of oposicion na final ta pa pueblo di Aruba bo ta traha.
Uni y forma un front y si Aruba no ta eens cu algo bisa no y keda sinta na mesa y negosha un miho deal na bienestar di Pais Aruba, esaki ta loke Minister Javier Silvania ta recomenda tur politico na Aruba mirando e situacion cu Aruba ta aden na e momentonan aki. “never give up”
Minister Javier Silvania ta felicita e pueblo di Aruba riba dia di Betico y ta encursha tur politico pa keda positivo y semper traha y focus pa Aruba ta miho.