Yiunan di Betico Croes tur aña ta presente na e dia special aki , transcurso di aña nan famia a crece y awe ta mira nan nietonan y nietanan tambe ta presente na e dia special aki “dia di Betico”.
Nos por a combersa cu Glenbert Croes cu ta un di e yiu homber nan den politica cu a sigui e pasonan di su tata pa drenta politica Glenbert Croes. Dia di Betico ta hopi special pa e famia Croes , pero sigur tambe pa Aruba. Glenbert Croes ta duna di conoce cada 25 di januari cu bin riba plaza Betico y unda cu celebra esaki rond di Aruba ta alimenta, rebiba y honra un memoria cu e deseo ta pa keda bibo den e pueblo di Aruba.
Importante ta pa e historia di nos libertador Betico Croes y e caminda cu a keda cana pa logra e libertad aki no mester wordo lubida nunca, e tabata un caminda di lucha , sacrificio y momentonan dificil y tragico, pero na final Betico Croes a sacrifica su bida pa Aruba ta liber. Ta importante pa nos recorda su memoria pa e generacionnan cu ta bin realisa cu e libertad cu nos tin ta un libertad super valioso cu ta Aruba a lucha pa logra esaki pa awe nos tin un Aruba liber di loke nos ta bibando den dje.
Importante ta pa e generacionnan cu ta bin aki 20-30-50 aña tin e historia corecto di kico tur a pasa pa Aruba tin su propio bandera, escudo y su propio placa. E pueblo Arubiano hunto cu libertador Betico Croes a haci sacrificionan grandi pa Aruba y hunto a logra esaki. Tur hende cu a cana schouder cu schouder riba e caminda aki , hasta esunnan cu a cuminsa cu e proceso prome cu a logra e lucha ta importante pa Aruba sa e realidad y e berdad di e historia.
Un parti cu ta haci Glenbert Croes contento ta na momento cu sa cu e muchanan di scol tin e interes di sa mas e historia di Betico Croes. Nos muchanan ta nos futuro generacionnan y cu nan sa e historia ta un stap hopi grandi riba conscientisacion di un storia cu a pasa real na Pais Aruba.
