Diadomingo anochi pa mas of menos 7 or na centraal di polis di Bonaire a drenta un melding, indicando cu un cabayero tabata maltratando un dama den Kaya Korona, na Playa. Ora cu polisnan a haci acto di presencia na e luga di e echonan, nan a haya e victima, un dama cu a conta su version di e suceso tambe a duna un descripcion di e sospechoso y e vehiculo cu e ‘batido di muhe’ lo ta moviendo aden.
Despues di un buskeda cortico, patruya a logra localisa e auto di e sospechoso den Kaya Lisboa. Aki autoridadnan policial a duna e chauffeur señal pa stop. Den e auto a bin haya e cabayero di 21 aña , cu pa motibo di no por a controla su mes a dicidi di maltrata e dama. E cabayero en cuestion a wordo deteni y hiba warda pa duna cuenta pa su actonan.