St Eustatius Bonaire Internacional Saba

Rastreo digital na Hulanda Karibense: un ‘casestudy’ tokante krímen sibernétiko


Entrante aprel 2021 KPCN a lansa un tim sibernétiko spesial ku komo meta pa duna bon sosten e añanan benidero riba tereno di krímen sibernétiko. Banda di e ‘Team Digitale Opsporing’(TDO) (tim di rastreo digital), e unidat dikrímen sibernétiko (CCU) ta hasi un kontribushon enorme na desaroyo di spesialidatnan di reshèrshi den kuerpo.

E ‘casestudy’ ta splika e situashon pa TDO i CCU den 2021, e strategia na kua KPCN ke krese yega, e enfoke táktiko riba kon pa atendé ku víktima, malechor i e infrastruktura pa por kombatíkrímen sibernétiko di forma holístiko, e enfoke operashonal riba abilidatnan, e bista di inteligensia i ehekushon ku ta hasi TDO i CCU funshonal. Ta finalisá e ‘casestudy’ ku e meta i vishon pa futuro di e spesialismo di reshèrshi digital na Hulanda Karibense.

Digitalisashon porsierto a duna polis mihó instrumènt pa kombatí kriminalidat i pa ofresé sosten mas lihé i efisiente ku hendenan mester, pero el a duna kriminalnan tambe instrumentonan pa kometé aktonan kriminal di mesun manera efisiente aki. Sin e mantenshon adekuá, e públiko ta keda vulnerabel pa tur sorto di atake sibernétiko. E tim sibernétiko di Kuerpo Polisial Hulanda Karibense ta úniko den e parti Karibense di e Reino i ta buska kolaborashon (internashonal) aktivo ku otro kuerpo, organisashon i partner ku lo por sostené nan den esaki. Asina nan ta fortalesé KPCN i e pueblo di e islanan di Hulanda Karibense pa nan por keda seif, alerta, i bon informá tokante krímen sibernétiko.

E outornan di e ‘casestudy’ aki ta, respektivamente, ‘kwartiermaker’ Cyber, Erik van de Sandt, kordinadó  di e ‘Team Digitale Opsporing’, Elston Martis, hefedi departamento di investigashon, , Steven Senior i hefedi departamento di informashon, Melvin Sint Jago, di e Kuerpo Polisial Hulanda Karibense.

Related posts

Seis agente Polisial na Korsou prohibi pa drenta lokalidadnan Polisial

EA News Author

REKORDATORIO PA PAGA E DI DOS MITAR DI IMPUESTO DI VEHÍKULO DI MOTOR

EA News Author

Erik van Veenendaal di Hulanda rekonosé komo e promé Embahador di aña 2022

EA News Author

Leave a Comment