Parlamento a lansa oficialmente e periodo di nominacion pa e premio anual “Hala di Choco”, un distincion dedica na reconoce y honra e talento hoben di nos pais. E iniciativa aki, cu ya a bira un tradicion spera, tin como meta principal pa duna visibilidad na e logronan y e dedicanza di e hubentud structuralmente.
Cualkier ciudadano por nomina un candidato. Por lo general, e nominacionnan ta bini di un tercer persona manera un trainer cu ta destaca e habilidad y destreza di un atleta, of lidernan di organizacionnan manera Scouting, entre otronan cu ta traha di cerca cu nos hobennan.
Meta di e Premio y Fecha di Entrega
E premio “Hala di Choco” ta wordo entrega structuralmente tur aña pa duna e balor y reconocemento cu e hoben talentoso merece. E culminacion di e proceso aki lo tuma luga dia 2 di september, coincidiendo cu e fecha oficial di Apertura di Aña Parlamentario, momento den cual e ganador lo ricibi su galardon.
Rekisito y Procedimiento pa Nomina
Pa garantisa un proceso organisa, a establece e siguiente criterionan y pasonan:
• Edad: E premio ta dirigi exclusivamente na hobennan entre 15 y 24 aña di edad.
• Plataforma: E proceso di nominacion ta habri accesibel via e pagina oficial di Facebook y riba e website di Parlamento.
• Inscripcion: E interesadonan por scan un QR code special cu lo dirigi nan na un formulario digital, caminda por upload e documentacion y duna e informacion screening necesario di e candidato.
Proceso di Evaluacion
Pa garantisa transparencia y obhetividad, e evaluacion ta encarga na un comision special den Parlamento, conforma pa un representante di cada fraccion. E comision aki lo analiza detenidamente e perfil di cada nominado, evalua e motivacionnan presenta, y finalmente saca e ganador maximo di e aña aki.
Nominacion habri pa e prestigioso premio ‘Hala di Choco’
