Detenshonnan pa manehá bou di influensia
Den wikènt último, a detené 3 shofùr pa manehá bou di influensia di alkohòl. Ku tur shofùr a hasi un tèst di supla, ku resultado positivo dor di kua a detené nan i a hiba nan warda di polis pa un análisis di rosea.
A detené un hòmber di inisial J.L.C.P. di 42 aña di edat na Kaminda Djabou despues ku e tabata kore zeilu ku su vehíkulo i mustra komportashon di manehá peligroso riba kaminda. Mesora un patruya a par’é i kontrol’é. E no por a mustra un reibeweis bálido, di kua el a haña un but tambe.
A detené un hòmber di inisial E.A.A.L. di 67 aña di edat na Bulevar Gobernador Nicolaas Debrot despues ku e tabata kore zeilu ku su vehíkulo i a par’é pa un kòntròl. A konfiská su reibeweis.
A detené un hòmber di inisial D.C.J.T. di 22 aña di edat riba Kaya Grandi despues ku a par’é pa un kòntròl pa motibu ku e tabata manehá su vehíkulo sin plachi number pegá patras. Aki a resultá ku e tabata bou di influensia di alkohòl. A konfiská su reibeweis.
Ladronisia for di vehíkulo na sitio di sambuyá
Djadumingu 15 di yüni a drenta keho di ladronisia for di un vehíkulo ku tabata stashoná na e sitio di sambuyá ‘Andrea 2’, na Sabadeco Courts. Deskonosínan a bai ku dos telefòn selular di e marka Samsung Galaxy for di tasnan ku a keda den e vehíkulo. Ta investigando e kaso.
Ladronisia na vehíkulonan
Djadumingu 15 di yüni a drenta tres keho di ladronisia na vehíkulonan ku tabata stashoná na diferente sitio. Ta trata di un vehíkulo na Kaya Herman J. Pop, Kaya Raymonda (Maritsa) Juan Pedro i Kaya Elvira. Deskonosínan a bai ku lusnan di patras di tur tres vehíkulo. Tur tres vehíkulo ta spesifikamente pikòp Toyota Hilux.
Ta investigando e kasonan.
Ladronisia for di vehíkulo
Djasabra 14 di yüni a drenta keho di ladronisia for di un vehíkulo ku tabata stashoná dilanti di un kas na Kaya Ganimedes. E pikòp tabata será pero no di lòk. Deskonosínan a bai ku algun bien i sèn kèsh. Ta investigando e kaso.
Kiebro den kas
Djasabra 14 di yüni a drenta keho di kiebro den un kas na Kaya Den Stashie. Deskonosínan a haña akseso na e kas via un porta i a bai ku entre otro un kaha di serbes, un boter di biña i un paki di sigaria. Ta investigando e kaso.
Detenshon pa violashon Lei di Arma di Kandela
Den oranan di mainta di djabièrnè 13 di yüni, a detené un hòmber di inisial F.G.W. di 26 aña di edat na warda di polis pa violashon di Lei di Arma di Kandela BES.
Durante un akshon na Kaya Karpitan riba djaweps 12 di yüni, di kua a detené un otro sospechoso i a tene un entrada hudisial, a listra tambe un outo na e sitio. Den dje a topa ku un arma di kandela. A konfiská tantu e arma di kandela i e vehíkulo. A detené e sospechoso siguiente dia pa mas investigashon.
Investigashon den e kaso aki ta kontinuá.
Bo a mira algu sospechoso? Yama 717 8000 òf e liña di tep anónimo 9310.