Den un conferencia di prensa na John F Kennedy a tuma luga e desvelo di logo pa e weganan interinsular pa aña 2024. Esaki ta weganan cu ta tuma luga entre e islanan di Aruba,Boneiro y Curaçao.
Sra Sharifa Sedney di Indebon di Boneiro tabata presente na Aruba y ta e representante di e weganan internacional di weganan interinsular. E logo oficial ta hiba un mensahe pa tur e islanan pa unidad y uniformidad. Sra Sharifa Sedney ta gradici na tur cu a aporta pa cu e logo y e mensahe cu e ta hiba pa entre e islanan.
Sr.Vergilly Winklaar director di FDDK di Curaçao tabata presente na Aruba y ta gradici Minister Endy Croes pa e invitacion, na mes momento tambe ta gradici IBISA pa tur e trabaonan cu ta wordo haci. Pa loke ta trata e weganan interinsular por mira cu aña pasa por a mira e beneficionan y pa e anja escolar aki ya e preparacionnan ta den full swing. Haciendo e weganan interinsular sin cu nos sa nos ta trahando fuertemente riba e forsa di deporte entre e tres islanan. Esaki ta pa e muchanan di awo , pero tambe pa e generacionnan cu ta bin. Banda di haci deporte tambe ta crea hopi amistad y asina yiunan di cada isla ta uni y identifica loke cu semper e tres islanan aki tabatin. FDDK di Curaçao ta sumamente agradecido y ta gradici IBISA pa su iniciativa cu ta creando un fundeshi cu pa añanan por sigui mira entre e islanan.
Sr.Jessy Beukenboom ta miembro di board di IBISA tambe a hiba palabra y ta duna di conoce cu e weganan interinsular tin un historia, nos ta den un momento contemporaneo pero e weganan aki tabata existi caba den añanan 70. Segun Jessy Beukenboom e tempo ey no tabata organisa tres of cuater deporte riba e islanan, pero tabata scoge 1 solo deporte cu lo haci entre e islanan. E tempo aya tambe Surnam tabata den e weganan pero despues cu Surnam a haya su independencia e weganan no a continua , pero tabata rond di 1992 riba invitacion di director e tempo ey Sr. Jerry Gomez a bin Aruba pa papia riba programa di landamento escolar. Sinembargo durante di e reunion aki a surgi e idea pa re inicia e weganan escolar y a trek e otro islanan tambe. Asina e weganan a sigui , pero na 2016 a bin un paro na e weganan esaki ta debi na e circunstancianan na e momento ey cu tin biaha ta politico, pero tambe otro situacion di otro indole cu a haci cu e weganan no a sigui. Na 2021 e combersacionnan a cuminsa un biaha mas y asina e tres islanan a uni pa sigui cu esaki unda cu e tres minister nan di deporte di cada isla a duna nan aporte pa e islanan por re inicia e weganan. E anja aki tabatin e prome weganan interinsular di Aruba, Curaçao y Boneiro unda cada isla a haya e oportunidad pa organisa di su mes y a cuminsa na Boneiro y despues Curaçao y Aruba a haci e clausura cu un espectaculo grandi. E anja aki e lo ta diferente unda cu e aña aki Aruba ta cuminsa, despues ta bay Boneiro y na final Curaçao ta termina.
E competencianan di weganan pa motiva scolnan pa participa den competencianan local y for di aki ta saca e scolnan cu ta bira campeon cu ta clasifica pa bay hunga den e weganan interinsular. Esaki ta e prome paso di un carera di un deportista cu ta inicia. Via di scol ya caba e hoben ta conoce e deporte y ta na caminda pa bira un deportista y for di scol caba e ta haya e oportunidad pa representa su scol, pero tambe su isla/ pais den exterior, esaki ta e prome inicio di competencia pafo di nan Pais.
A yega asina leu cu cada isla ta bini hunto y ta bisa cu esaki ta locual cu ta e deporte cu cada un di nan ta bon den dje y ta laga nan atletanan participa. E aña aki pa prome biaha ta bay tin tres deporte nobo.
E deportenan cu tin actualmente ta trefball,dammen,schaken,futbol, Vollyball y atletiek , pero e deportenan cu a bini nobo pa 2024 ta basketball di scolnan basico, basketball di scolnan avansa y aguatlon. E participacion di e hobennan den 2023 tabata un total di 232 deportista, coach y lidernan cu ta aden. Pa 2024 Aruba ta bay cuminsa cu e weganan for di 29 di februari te cu 3 di maart , despues ta sigui na Boneiro cu lo cuminsa for di 14 di maart te cu 17 di maart y na Curaçao e weganan lo termina cu lo ta dia 11 di April te cu 14 di April 2024.
