Culpa y susha number por ta un arma pa kibra otro, pero e realidad ta cu hopi ta ser haci tras di Cortina pa logra trece un concierto di un caliber pa Aruba. Pa por logra esaki e Artista tin su exigencianan y mester tin placa pa por logra esaki, pesey mes ta bende carchi trempan pa por logra cumpli cu tur rekisito necesario.
Sinembargo semper na final situacionnan por presenta y cosnan por cana of bay robes. Cada concierto of fiesta cu ta ser duna na Aruba of cualkier pais rond di mundo, mester ta bendi y e pueblo tin cu carga esaki pa nan por tin un concierto manera ta desea. Lamentablemente for di Peru no por a haya un avion pa e artista por a yega na ora, a dura 5 ora prome cu por a haya un avion pa asina e artista por a Sali for di Peru y yega Aruba pa duna su show.
Na momento cu Romeo Santos a yega Aruba e la disculpa su mes cu e publico y e la bisa kico a pasa cu tabata fuera di nan alcance pa por a yega na ora, pero na mes momento sea ta scoge pa cancela e concierto of ta bin y cuminsa cu e concierto pa 4 or di madruga te den oranan di mainta.
Un situacion cu promotor nan no tin culpa y e grupo di Romeo Santos tampoco, simplemente no a logra haya un avion pa transporta e artista na tempo. Na Peru no tabatin e accesibilidad aki. Na Aruba tur cos tabata na su luga y promotornan y e team na Aruba tabata cla para pa ricibi e artista pa asina tur cos cana bon na Aruba, for di promocion te cu transportacion tur cos tabata cla pa warda e artista yega. sinembargo e pegamento tabata na Peru un situacion cu no ta den man di promotornan di Aruba. E artista mes a pidi su disculpa publicamente y a bisa bon cla no ta culpa di e promotornan, ni e musiconan pero ta di e imprevisto cu ta pasa, di e manera aki Romeo Santos a cuminsa delita y canta pa esunnan presente.