Na Seroe di Jan Fleminga a tuma luga un anochi bunita unda cu ta celebra 10 aña cu ta decora cu luznan di Pasco. E aña aki tabata uno hopi special y di e manera aki ta gradici tur boluntario di Jan Flemming pa e gran logro unda cu pa 10 aña consecutivo a traha pa crea e ambiente di Pasco pa tur hende na Aruba.
No ta facil pa logra un meta asina pero cu hopi determinacion unda cu ta organisa actividadnan pa recauda fondo y tambe e donacionnan cu ta wordo duna ta haci e tipo di eventonan aki posibel. Pa cu e anochi Rendel Croes y su banda a percura di trece ambiente. Tambe e anja aki un persona hopi stima pa henter e team di Jan Flemming a bay sosega dia 16 di maart cu ta sra.
Susana Navas Flaneging cu ta tantita cu for di un comienso a adopta un mata di Kwihi y cu tabata percura tur anja pa e por decora esaki. Su aporte pa e amor y yudansa pa Seroe di Jan Flemming tabata inmenso, awor cu tantita no tey mas e yiunan a dicidi cu lo sigui cu e tradicion aki. Na mes momento a pidi un min di silencio na respet y eterno descanso di tantita cu lo keda recorda pa semper.
E aña aki e cendemento di Luz a keda dedica na un persona hopi stima Marlon Henriquez cu for di un comienso a traha como boluntario na Seroe di Jan Flemming y tabata yuda hopi bon pa por logra cende e luz nan tur aña na e sero y ta spera cu por keda conta cu su persona pa hopi aña mas. Den un ambiente unico a cende e luz nan di Seroe di Jan Flemming y ta spera cu Aruba completo pasa y admira esaki.
