Na Marriott a tuma luga un evento specialmente pa e asociado nan di Aruba Marriot unda cu a tin lunch y un caita competation unda cu tur e departamentonan ta bay competi cu e caita. E banda catatumbo cu ta disponibel y ta compaña cada cantado di cada departamento.
Tambe ta regala tur asociado un superfood card di 250 florin, tambe tin un programa di descuento pa tur asociado di companianan cu ta duna descuento specialmente pa Marriott.
Na mes momento tambe a rifa den careda di 30 mil florin na balor di premionan cu ta mas of menos 170 premionan pa e asociado nan. Loke cu no por keda afo ta cu Marriott tambe ta paga su Christmas Bonus cu ta 4 siman di salario. Asina Ruthlien Thijsen complex director di Aruba Human Resources Marriott Complex ta duna di conoce.
Marriott ta un hotel cu ta di pueblo di Aruba y ta comparti hopi cu e turista y e local nan, esaki ta loke cu ta haci Marriott Hotel diferente. Tin un variedad di restaurantnan cu ta wordo bishita pa e local nan y tambe turista. Marriott Hotel tambe ta forma parti di Sustainability y ta duna su parti pa e medio ambiente y ta pa e motibo aki mes Marriott no ta kimando pagara mas. Esaki sigur ta un mustra cu ta solidario cu naturalesa y cu ta consciente di e importancia di cuida medio ambiente y asina tambe ta haci tur trahado na Marriott consciente di e importancia pa cuida nos medio ambiente.
