Ofrenda floral na Okashon di konmemorashon Modesto ”Chano” Maragaretha e promé Representante di Pueblo ku a papia Papiamentu den Konseho Insular!
Djaluna 8 di febrüari 2021 a hasi 63 aña ku e miembro di Konseho Insular dje tempu ei sr. Modesto “Chano” Margaretha (d.f.m) a lanta papia i dirigí su mes na Papiamentu na su koleganan den e sala di reunion. E echo históriko aki ku un miembro di Konseho Insular a hasi uso di su lenga materno durante un reunion di Konseho Insular a keda konmemorá dor di Presidente sra. Anna-Maria Pauletta i Miembronan di Parlamento den presensia di yunan di sr. Modesto “Chano” Margaretha
