Online Bibliotheek ta ofrece su servicio di e-books y audiobooks gratis na tur miembro di biblioteca na Aruba. Tin un coleccion grandi di buki na Hulandes y un coleccion chikito na Ingles y tambe hopi revista. E coleccion tin tur sorto di buki mescos cu un biblioteca publico ta ofrece. Por lesa e-books riba computer, tablet, celular y Ereader. Pa orienta bo mes riba e coleccion por fabor bishita www.onlinebibliotheek.nl
Novela? storia? bukinan informativo? Miembronan di biblioteca cu ta desea di fia Ebooks, Audiobooks of revista, por manda un email na info@bibliotecanacional.aw pa registra. Si bo ta manda un e-mail pa biblioteca, por fabor menciona: nomber y fam, number di telefon y e number di barcode cu tin riba e carchi di miembro. Un empleado di Helpdesk ta manda bo: un code di acceso, un password y instruccion con pa login. Onlinebibliotheek.nl tin un app cu por download for di Google Play Store of Apple app store.
Si bo ta un studiante, lesando pa bo list, sigui aki. Mas cu 150 buki ta warda bo!
Pasa bon!