LocalFeatured

Oreana wouters directie natuur en milieu : tin hopi mas hende consciente riba nos bida maritimo

Oreana Wouters Directie Natuur En Milieu Tin Hopi Mas Hende Consciente Riba Nos Bida Maritimo

directie natuurconsciente

Oreana Wouters ta di Directie Natuur en Milieu y tabata hunto cu Parke Nacional Arikok den e proyecto di duna informacion y conscientisa esunnan cu ta traha den e area maritimo riba e ” 𝐒𝐭𝐨𝐧𝐲 𝐂𝐨𝐫𝐚𝐥 𝐓𝐢𝐬𝐬𝐮𝐞 𝐋𝐨𝐬𝐬 𝐃𝐢𝐬𝐞𝐚𝐬𝐞”, Wouters mes a studia ecologia , bida marino y recursonan maritimo.

Actualmente por a tuma nota cu tin hopi mas hende cu ta consciente di loke ta pasando e coralnan y bida maritimo cu nos tur mester cuida. E comunidad ta interesa y ta riba alerta y cu e dianan di informacion ta yuda elabora mas di kico e malesanan ta, kico nos mes como Directie Natuur en Milieu y Parke Nacional Arikok ta haciendo y kico kisas nos mester ta cla prepara pa haci den futuro.
E idea ta pa intensifica e comunicacion entre esunnan cu ta haci uzo mas di nos awanan y e comunicacion ta hopi mas estrecho cu otro. Departamento di Directie Natuur en Milieu a guia y yega na un documento pa traha riba un maneho y a haci apelacion na otro departamentonan di gobierno y Parke Nacional Arikok pa institui un werkgroep.

Directie Natuur en Milieu ta coordina y facilita proceso pa cuminsa informa nos mes cu ta traha riba e veld y ministernan cu tambe mester ta mas consciente y custuma cu tin situacionnan cu por presenta na Aruba y cu nan como mandatario tambe mester ta prepara pa tuma decisionnan cu ta necesario.

Directie Natuur en Milieu tambe ta sostene Parke Nacioal Arikok unda cu por y conhuntamente a haci e dos anochinan di informacion. Tambe lo sigui comunica cu diferente departamentonan di gobierno pa keda mantene tur hende na altura di tur loke ta pasando y con e malesa di ” 𝐒𝐭𝐨𝐧𝐲 𝐂𝐨𝐫𝐚𝐥 𝐓𝐢𝐬𝐬𝐮𝐞 𝐋𝐨𝐬𝐬 𝐃𝐢𝐬𝐞𝐚𝐬𝐞” ta canando den e awanan di Caribe y den e teritorio aki na Aruba.

Segun Oreana Wouters pa pret cu e ta zona nos ta biba riba un isla pero no ta hopi di nos ta landra y no ta hopi di nos ta bishita e playanan regularmente, tin personanan ta bay kisas un biaha pa luna y hopi biaha cu ta bay ta bay den famia y no ta constantemente den e awa ta pasa tempo cu naturalesa. Esaki ta pone tambe cu no ta hopi hende sa di e malesa di coral.

Tin algun persona sa di coralbliching debi cu e ta un problema cu ta pasando hopi aña caba debi di e tipo di cambionan y e temperatura di lama. Hopi di e piscadornan sa di e parti aki , pero malesanan mes di coral hopi di nos no tin conocemento di esaki. No ta papia solamente di e ciudadanonan , pero tampoco e profesionalnan den biologiamarino no ta na altura di tur cos. Tambe mundialmente regardando malesanan no tin hopi informacion debi cu e no ta haya suficiente atencion.
E tarea ta hopi mas grandi y mester colabora cu otro paisnan , pero tambe wak kico ta traha pa Aruba y esey ta depende di e audiencia di e comunidad. Pesey mes e charlanan aki ta yuda pa stimula discusion pa por tuma accion mas rapido, pero tambe ta haya tipo di opcionnan cu kisas como Directie Natuur en Milieu y Parke Nacioal Arikok no a pensa riba dje ainda.

Related posts

Cuerpo Policial Aruba ta celebra 35 aniversario

EA News Author

Awe tin cambio den prijs di productonan petrolero

EA News Author

Debate politico tocante medio ambiente

EA News Author

Leave a Comment

Whatsapp Message