Director di Departamento di Infrastructura y Planificacion, DIP, a wordo suspendi pendiente un investigacion interno. Departamento di Infrastructura y Planificacion ta un departamento crucial den e desaroyo di nos pais, y tin ya varios aƱa cu hopi atraso. E servicio na comunidad hopi biaha a wordo critica, debi cu hendenan ta wardando hopi aƱa riba un contesta riba nan peticionnan pa tereno, cambio di destinacion, prolongacion, etc. y no ta haya ningun contesta.
Desde cu Ministerio Publico a para investigacionnan penal den e departamento dos siman pasa, e investigacionnan interno y administrativo cu a inicia den pasado, por a continua.
A suspende un empleado di DIP dos siman pasa y awor e director.
Mientras tanto director interino di DIP lo asumi e liderazgo diario di e departamento y e lo wordo asisti pa un āklankbordgroepā di algun otro hefe di departamento, den cual lo concentra riba reorganisacion di e departamento y elimina e atrasonan.
E āklankbordgroepā ta un comision consistiendo di mas hefe di departamento, cu lo conseha den e proceso.
Aruba ta den recuperacion, y na e momentonan aki mas cu nunca mester pa e departamentonan funciona optimal pa garantisa cu e desaroyo positivo por continua y resulta den progreso y bienestar di tur ciudadano.