Pa prome biaha den historia politico di Pais Aruba , Aruba ta bay haya un gobierno di minioria. Te na e momentonan aki cu ta mustra e formacion di gobierno cu gobernador a duna e autoridad pa forma un gobierno, si nan forma ta pa prome biaha den historia di Aruba , Pais Aruba ta bay tin un gobierno di un minoria grandi unda cu apenas 25226 hende a vota pa nan for di un cantidad di 69 mil persona cu tabatin derecho di voto of di 56472 mil cu a vota. Nunca esaki no a sosode den eleccionnan di pasado di Aruba y sigur e ta algo cu mester tene cuenta cu ne.
Pa lider di Fraccion di PPA Otmar Oduber ta duna di conoce cu Aruba su Kiesverordering no ta bon. Kisas e ta un ley cu a keda traha cu un pensamento manera e eleccionnan cu ta tuma luga na Hulanda na aña 1987 , pero e no ta funciona den un comunidad chikito mane esun di Aruba. Actualmente manera cu e eleccion a tuma luga pa historia politico di Aruba, Aruba ta bay tin un gobierno y un parlamento cu no ta conforme e boluntad di pueblo di Aruba.
Ta imposibel cu ta laga mas di 30 mil voto cu no a vota pa e gobierno aki . y si mester saca e 30 mil votonan aki cu no a vota pa e gobierno actual cu ta votonan di e partidonan cu no a drenta parlamento ta papia di casi 18 mil voto cu no a wordo duna un voz den parlamento di Aruba mediante e partido cu nan a vota pe. Segun lider di partido PPA algo ta fundamental robes cu nos sistema democratico aki na Aruba.
Si e negociacionnan sigui continua den e direccion nan aki Aruba ta bay haya un gobierno cu no ta representa e cantidad grandi di e pueblo di Aruba, ta desea nan tur clase di exito den e formacion , pero e realidad ta cu e gobierno actual cu ta negoshando no ta representativo di e pueblo Arubano su voto y boluntad democratico cu a keda demostra na december ultimo cu a pasa.
Ta bay haya un gobierno di 12 asiento unda cu 4 asiento no a wordo yena cu nan propio voto , pero cu ta restzetel di e partidonan cu no a logra drenta. Esaki ta pone cu realmente e partidonan hunto tin 8 asiento cu ta e minoria y esaki ta pone cu pa prome biaha den historia politico di Aruba , Pais Aruba ta bay tin un gobierno di minoria pa loke ta e boluntad di pueblo di Aruba.
Ta basta cla cu e gobierno actual no ta representativo pa e pueblo Arubano