Nos comunidad mester ta uni y nos comunidad mester ta uni. Pa por resolve e situacin di Rijkswet aki hunto nos mester wak den un direccion. E prome pregunta cu nos mester haci nos mes como politico, pueblo y gremionan “ nos kier mina nos autonomia?”,T ena unda nos como Pais ta dispuesto pa mina nos autonomia?
Nos mester para keto un rato realisa nos mes dicon Aruba ta para aki awe, pa motibo di un pandemia di un placa cu Aruba por a haya unicamente riba e pandemia y cu e la wordo uza pa Hulanda como chantahe contra Pais Aruba mes . Nos no mester lubida cu Hulanda no tabata di acuerdo pa refinancia e debenan prome cu e pandemia na un interes abou, pero tampoco riba e ayudo di e debe di Pandemia. Na mes momento den Reino nos ta papia di ayudo, pero e realidad ta cu e ayudo Hulanda no ta cumpli cu ne cu Aruba.
Banda di tur cos Aruba mester ta uni y nos mester mustra Hulanda cu e punto di salida y laga Hulanda compronde cu e trato di Hulanda na Aruba no ta Husto y no ta sigun statuto y leynan stipula. Si por duna ehempel na momento cu Corsou y St Maarten a drenta nan status aparte e dos Pais nan a keda libera 100% di tur nan debenan cu nan tabatin sin costa nan 1 florin.
Si mester mira e parti di Aruba , Aruba no a haya e trato aki na 1986, tampoco Aruba no a pidi. Sinembargo na momento cu Aruba a pidi Hulanda un prestamo den nos status aparte Aruba a paga y cumpli cu Hulanda sin ningun problema. Na 2020 Aruba a termina di paga e prestamo cu tabatin cu Hulanda sin pidi 1 florin di descuento.
Aruba a cumpli cu Hulanda semper, pero lamentablemente Hulanda cu malafe a haci uzo di un momento di un desgracia global/mundial pa preta Aruba. Mirando esaki Fraccion di PPA ta convensi cu ambtenaarnan cu ta compronde cu Aruba tabatin mester di e necesidad di e ayudo aki a scoge pa duna Aruba interesnan halto y di otro banda ta regala placa na otro Paisnan cu no ta forma parti di Reino Hulandes. Tur e movecionnan aki ta bon cla cu Hulanda su meta ta pa wak un manera con nan lo por interveni bek den Pais Aruba.
Loke cu Hulanda no ta gusta ta cu Pais Aruba tin y te ainda tine ainda un status aparte cu ta bon regla y cu e ta diferente for di tur e constelacionnan cu ta existi den Reino Hulandes. Sinembargo Hulanda no kier tolera cu Aruba tin e areglonan aki cu nos antepasadonan cu a lucha pa e status aparte cu Aruba tin esta MEP-AVP y PPA cu a lucha e tempo aya pa loke nos tin awe y nos ta disfruta di e libertad aki awe. E tres partido nan aki a para duro y lucha den pasado pa Aruba tin e status Aparte cu awe nos tin riba mesa.
Mirando e echo aki ta imposibel cu Parlamento ta keto y e holoshi ta sigui bati y prome di mei ta eynan mes unda cu Aruba ta perde e posibilidad di baha e porcentahe halto cu Hulanda a duna Aruba riba un “ayudo” cu na final no ta un ayudo pero un debe di un negoshi comercial cu Hulanda a haci cu Aruba.