BonaireFeatured

Papia huntu tokante solushon ku enfoke riba futuro

Papia Huntu Tokante Solushon Ku Enfoke Riba Futuro

Siman pasá Banko Mundial tabata na nos isla pa riba enkargo di i den kolaborashon ku gobièrnu di Boneiru duna kontinuashon na nan investigashon pa loke ta trata desaroyo sostenibel di Boneiru. Pa esaki a presentá entre otro algun resultado di e investigashon bou di poblashon i a papia tokante esakinan. Ta trata di resultado di e enkuestanan i entrevistanan ku, den kuadro di e investigashon di ‘Carrying Capacity’, a tuma lugá durante henter luna di ougùstùs. Pa medio di tres Townhall Meeting a presentá i papia tokante e resultadonan akí na tres diferente sitio na nos isla. Komo kontinuashon tabatin un tayer riba djabièrnè pa e stakeholdernan eksperto. Tur hende ku tabata presente a haña oportunidat pa djòin e kòmbersashon i pensa aktivamente tokante futuro di Boneiru.

‘Ku e kolaborashon akí nos ta traha kualitativamente i konstuktivamente riba desaroyo di Boneiru. Pa medio di papia ku komunidat i stakeholdernan tokante e promé resultadonan di e investigashon, Entidat Públiko Boneiru ke duna tur hende oportunidat pa ekspresá nan mes tokante nan vishon pa nos isla’, segun diputado Thielman. ‘Banda di esei aworó e ta duna nos instrukshon i dato pa den un forma bon argumentá determiná nos futuro maneho, sea ku esaki ta desviá for di maneho hulandes òf nò.’ 

Tin algun promé resultado remarkabel for di e investigashon: manera e echo ku mayoria habitante ta eksperensiá Boneiru komo un lugá seif pa biba, un mayoria grandi di habitante ta haña ku kosto di bida ta inakseptabelmente karu, e boneriano ku a nase na Boneiru hopi mas tantu biaha ku e suidadano ku a nase den eksterior ta haña ku tin muchu hopi suidadano riba e isla i netamente e suidadano ku a nase den eksterior ta haña ku tin muchu hopi turista riba e isla. Loke ta komun ta ku mas ku 80% di e poblashon ta di opinion ku drechamentu di kaminda i otro infrastruktura públiko, protekshon di biodiversidat i garantia pa bibienda pagabel ta importante. Preservashon di e idioma i kultura lokal i un maneho di migrashon adekuá tambe un mayoria hopi grandi ta mira komo un punto di atenshon importante.

E resultadonan akí a kondusí na algun bon diskushon, despues di kua tur hende tabatin oportunidat pa nan tambe pensa aktivamente riba solushon pa e mehorashonnan mas importante for di e enkuestanan. Nan por a indiká tambe na unda nan ta pensa ku e responsabilidat mester ta. Un Townhall Meeting konstruktivo ku espasio pa tur fitbèk pa mehorashon di desaroyo di Boneiru. Ta inkluí esaki i tur otro resultado anterior den e konseho total i e raportahe ku segun ekspektativa ta bini den luna di yanüari 2023.   

Related posts

Kico ta realmente importante, kico ta tras di nos bishitanan di IPKO,kico nos ta spera como pais, como isla den Caribe? Kico Hulanda ta spera? Kico nos pueblo ta spera ?

EA News Author

Minister Endy Croes: Proyecto ‘Veilige Barios’ ta un realidad gobierno di Aruba hunto cu CEDE Aruba y directivanan di centronan di bario a firma un MOU

EA News Author

Subinspekshon 3: Mayoria di rekomendashon di Konseho a wòrdu kumpli

EA News Author

Leave a Comment

Whatsapp Message