Local Politica

Parlamentario Endy Croes: Jennifer Reyes ta un hipocrita di marca mayor


ORANJESTAD, Aruba

AVP a vota contra presupuesto 2020 y awor ta jora cu cuidadanonan ta sufriendo?

Parlamentario Endy Croes ta cuestiona e forma cu AVP y Jennifer Reyes, kende porcierto casi nunka ta na pia di trabou,  ta hibando su politica. Durante su conferencia di prensa semanal e biaha aki dilanti Cas di partido AVP , cual cas ta manera un funeraria y ta bela so e falta, por a scucha Jennifer Reyes lesa for di un pida papel cu AVP ta prepara pe y asina ataca gobierno riba lo siguiente. Segun Jennifer Reyes cu cuidadanonan na Aruba ta sufriendo a consecuencianan drastico di un economia cu a bay plat desde maart 2020. Jennifer a continua bisando cu ja pa 4 luna mama y tata nan di famia ta sin entrada. Awe nos lo duna Jennifer les di su bida den politica y ora Bo kier hunga politica barata of lesa lokual Bo partido a skirbi pa Bo sin buska mas informacion nos lo mester laga pueblo sa con meniroso y manipulador Bo ta y kiko tabata Bo actonan pa realmente juda e pueblo aki.

/// AVP a vota contra presupuesto 2020 pa juda mama y tatanan di famia:

Desde 13 di Maart Aruba a haña su promer caso di Corona Virus y mescos tur parti Mundo gobierno a cuminsa tuma medidanan pa salvaguardia salud di pueblo. Expertonan di Banco Central  a hasi un calculacion extenso te cu fin di aña cual a resulta na un deficit di 1.2 Biyon florin mientras expertonan di Directie Economische Zaken van Handel en Industrie nan rapport a duna un deficit di 1.35 Biyon pa cu aña 2020.Pues di un surplus di 46 miyon cu gobierno tabata tin den su presupuesto e “golpi” economico di corona virus a bolter esaki pa un deficit gigantesco. Den esaki a tene cuenta cu alrededor di 37000 mama y tata di famia lo perde trabou y cu gobierno lo haña 627 miyon menos na entrada di belasting. Ora gobierno a bini cu hopi urgencia Parlamento ultimo siman di Maart pa trata e presupuesto ( Corona Virus) y a duna Parlamento tur rapportnan pa studia pidiendo Parlamento e cooperacion pa aproba e presupuesto di 1.3 Biyon cu nan a presenta pa asina  por tin plaka pa “vang op” e 37000 mama y tatanan di famia cu lo perde trabow tanto AVP acompaña pa Jennifer Reyes a bay contra e presupuesto aki. E momento ey Jennifer  no a corda riba e mama y tatanan den problema. E momento ey Jennifer  no tabata interesa den e splikacion di Minister Presidente Evelyn Wever Croes kende a hasi su plagaria pa AVP sostene e presupuesto. E momento ey politica barata tabata mas importante cu e ser humano  pa Jennifer Reyes . Awe Jennifer Reyes kier corda riba e famianan aki hungando un politica barata un ves mas.  E mes no a duna sosten den Parlamento momento e por a hasi esey. No pero Jennifer a escohe pa bira lomba pa 37000 mama y tata di famia. Parlamentario Croes ta splika cu politica por ta bunita pero den momentonan di crisis Bo mester por sa cual banda Bo ta scohe. Parse cu Jennifer a lubida hopi liher di su propio actuacion. Mi ta reta Jennifer Reyes pa reaciona riba esaki.

/// AVP a desgracia Aruba pa 8 aña cu apoyo di Jennifer Reyes:

Tin Parlamentarionan di “cashi glas” kendenan nunka a kibra un copi pero alaves nunka a aporta na un manera decente na pais Aruba. Jennifer reyes pa 8 aña largo a grita voor y aproba tur fechoria y bagamunderianan di AVP. Si Jennifer a hasi su trabou na drechi awe Aruba no tin un debe astronomico asina. Un total di 3600 miyon di debe den 8 aña di AVP. Awe ta paga 232 miyon na interes pa aña y 82.4 miyon na proyectonan PPP. Un total di 142 miyon na salaris di coordinadornan den 8 aña mas un aumento di 81.3 miyon na gastonan di personal den 8 aña. Tur esakinan por a wordo evita si Jennifer a let op y hasi su gobierno pregunta y exigi pa cambia e rumbo. Si no ta pa e desaster financiero y e Mega Debe cu AVP a crea awe nos no mester ta dependiente di Hulanda. Pues ora Jennifer Reyes papia cu e gobierno aki a laga mama y tatanan di famia na caya mi ta consehe pa bin trabou lesa su documentonan y “walk the talk”.

Related posts

Parlamentario Endy Croes: Celebracion Mahestuoso riba Plaza Libertador “Un anochi unico cu lo bay den historia como esun di mas grandi cu un show espectacular di Grupo di Betico”

EA News Author

No ta pasobra bo ta hayando FASE e prolongacion ta automatico Mester aplica pa prolongacion

EA News Author

Empleadonan di DEZHI den colaboracion cu Soul2Soul a ricibi tayer innovativo ‘Mindful Art Teambuilding’

EA News Author

Leave a Comment