Ora un mucha ta chikito, y e ta yora ta dune un chupon, pa asina e por calma, y e mucha ta bon, e a custumbra asina tanto cu e chupon, cu e no por falta su chupon, si e perde su chupon, su mayor ta hanje hopi pura pa busca un otro.
E mucha y su chupon ta bira inseparable, mientras cu e mayor tin mas tempo pa cas of su asunto personal pero nos tur sa cu pidimento di chupon serca un mucha, ta pa motibo cu e tin hamber, of e mester di atencion di su mayor, y door cu e no por papia, e ta yora.
Den crecemento tur mucha mester yora, pasobra yoramento ta parti di comunicacion pa busca carinjo y atencion, ta solamente nos como mayor mester saca afo kico mas por ta presente cu ta pone e mucha yora.
Awendia un mucha ta crece y masha hende ta duna un mucha un tablet, pa asina e ta ocupa, pa e no molestia, y pa demostra cu e ta inteligente, y cu su tres of cuater anja e por maneha un tablet, pero e comunicacion y carinjo su porcentahe ta baha, e tempo cu un mama ta saca un yiu for di su cama y carga e mucha y canta un cantica pa e bay sonjo a pasa, e mucha ta hunga cu su tablet te bay sonjo, y hopi biaha ta pasobra e tin hamber e ta yora, of ora su bruki ta yen , pero e atencion di mayor a mengua.
E mucha ta papia pero e no ta comunica, pasobra no tin tempo pa comunica cune, e ta papia cu su tablet, y ora e bateria di su tablet baha e ta tire for di su cama, e mihor amigo di e mucha ta su tablet, sin su tablet e no tin trankilidad, pasobra su tablet a reemplasa carinjo di mayor.
E ta mucha ta sera su mes y e no ta papia, e conoce su tablet hopi bon, y e mayor ta bisa cu e ta duna e mucha su tablet y e por haci tur cos cu e mester haci como mayor, pasobra e mucha stima su tablet, pero locual e no sa cu e tempo precioso cu e mester duna su yiu e tablet a horte.
Den pasado tabatin popchi pa mucha muher y auto pa mucha homber, pero ningun di nan no tabata elocuente manera un tablet ta pa un mucha awendia, y tin hopi wega den un tablet y hopi mayor no sa mes ki sorto di wega tin den tablet. Y no ta tur mucha ta reacciona mescos riba cierto weganan.
Mucha ta bira mucha digitalisa, sin amor, sin comunicacion.Pasobra tablet no ta hende.
Awor e mucha a sigi crece, y nos ta cumpra un telefon pe, pa asina e por comunica na prome lugar cu nos como mayor, pero tambe nos a habri porta pa e comunica cu mundo, pasobra den un telefon awendia tin tur cos, y un mucha ta sinja otro, e comunicacion cu abo como mayor ta kibra, pasobra hasta si un mucha no kier wak mesun programma di tv cu su mayor e ta wak otro cos riba telefon, y e mucha ta sera su mes e no ta papia, pasobra segun e mucha cu den su telefon tin tur cos cu e mester y e ta stima su telefon riba tur cos.
Awor ta falta di ken? Ken a bandona ken? Y ken a lubida su responsabilidad?.
No lubida cu yiu ta regalo di Dios.
Sinceramente, Pastor Marcel Balootje.