David tabata rondona di hende emocional, den e temporada cu Rey Saul tabata persigi e, y nan tabata bise pa e mata Saul ora e henja un chens, y David a bisa, ami no ta mishi cu e ungi di Dios.
Abraham a laga emocion di Sara domine, y Sara a manda Abraham bay drumi cu su cria Hagar y causa un problema te cu dia di awe.( Genesis 16:1-15).
Dios mes a papia pa medio di e Angel di Senjor prome cu Ismael nace bisando na Hagar:
Lo mi multiplica bo descendientenan masha hopi mes, asina cu nan lo ta muchu pa conta.
Y e Angel di Senjor a sigi bisa Hagar :
Mira bo ta na estado,
Y lo bo hanja un yiu homber.
Y lo bo dune e nomber Ismael,
Pasobra Senjor a tende bo afliccion.
E lo ta un homber salbahe, su man lo ta contra tur hende, y tur hende su man lo ta contra dje. Y e lo biba den presencia di tur su rumannan.( Genesis 16:10-12).
Laga nos tur wak bon con Dios a tene misericordia di Hagar y Ismael, pasobra nan no tabata parti di Sara su emocion.
Despues di tempo ora Ismael a crece a surgi problema den e cas y emocion di Sara a lanta atrobe y e a bisa Abraham corre cu e cria aki y su yiu homber, pasobra e yiu di cria aki lo no ta heredero hunto cu mi yiu Isaac.
Sara tabata wak e herencia, enbes di wak cu Ismael tambe ta yiu di Abraham.E cos a duel Abraham hopi pero Dios a trankilisa su curason.( Genesis 21:11-13).
Y e emocion ey a trece rabia te cu awe den Medio Oriente y hasta tin pais cu ta bisa cu mester caba cu Israel completamente , nan no tin derechi di existi.
Emocion a lanta, Sara a kere cu e a bira bieu y no kier a warda riba promesa di Senjor,
Pero awe nos tur sa cu ora Dios . priminti bo algo ta di bo e ta, no tin ningun hende ni tampoco diabel cu por kite for di bo, solamente nos mester sinja warda riba Senjor.
Den tur scual di bida cu Hose por a pasa e a warda riba Senjor y e a bira gobernador na Egipto.
Pa motibo di emocion y murmuracion di un pueblo, Moises a rabia y dal e baranca, enbes di papia cu e baranca manera Dios a bise pa haci y ta pesey e no drenta e tera priminti.
Cuanto hende awendia pa falta di pasenshi y emocion halto ta drenta den relacion robes, cu despues ta resulta cu hopi dolor nan por sali, y hasta tin biaha un hende su propio emocion y su falta di Fe por causa nan bida.
Cuanto mama soltero no tin cu pa motibo di emocion nan a bruha den gustamento y amor, caba na final e persona cu a duna nan un yiu, no a balora nan pa matrimonio ni tampoco a reconoce e yiu.
Cuanto tata soltero tin awendia , cual e mama no kier pa nan reconoce e yiu, ni pa e tata bishita su yiu , pasobra nan kier ta independiente, y apenas ta bisa e yiu ken ta su tata.
Emocion ta enemigo di Fe,
Fe ta poderoso,
Fe ta move man di Dios,
Sin Fe ta imposibel agrada Dios.
Emocion ta temporal y enganjoso.
Fe ta sostene nos bida,
Fe ta duna crecemento,
Fe ta vence maldad.