Curacao Internacional

PIN ta pará pa un pais na òrdu


PIN meskos ku tur otro organisashon i siudadano di Kòrsou a tuma nota di e deterioro pisá di nos kareteranan.
E splikashon di e minister aktual, pa nos tambe ta insatisfaktorio.Ademas nos ta komprondé e frustrashon di tur organisashon i siudadano ku e mal estado di nos kareteranan, ku kada bes ta kibra tayer i partinan di outo.
PIN ta apoyá kualkier grupo òf organisashon ku di forma legal i pragmatiko ta dispuesto pa duna un man pa aliviá e problema di buraku den nos kayanan. Sin embargo akshonnan ku ta mishi ku nos obranan publiko mester sosodé konformé lei i den palabrashon ku e servisio di Obranan Públiko pa evitá ku e akshonnan espontaneo akí por tin konsekuensianan negativo riba término mas largu.Komo PIN nos enfoké ta pa preshoná gobiernu pa drecha e kayanan di inmediato, esta pa VVRP atendé e kayanan inmediatamente i debidamente.
No ta awor ku Covid direpente e kayanan a haña buraku. Ta falta di manteshon pa último añanan. Riba un termino mas largu mester fortifiká e aparato publiko i destina e entrada di impuesto ‘wegenbelasting’ den kaha di gobiernu komo solamente pa drecha kaminda pa asina por regla manteshon di kaya den su totalidat di mihó forma. E meta ta, pa kada rekurso, material, personal òf finansiero keda usa di e forma mas efektivo i duradero posibel. Kòrda ku un buraku mal yena aki un par di dia ta krea un buraku mas grandi ainda.
Gobiernu mester atendé e situashon aki, promé ku tur suidadano sinti nan mes liber pa atendé nos obranan públiko nan mes.Esaki lo krea un situashon di desorden total.

Related posts

Hunto nos por wanta boneiru limpi pa nos mes y nos generacion

EA News Author

Awe 18 di febrüari 2021 tin 18 kaso aktivo di Covid-19 na Boneiru

EA News Author

Entre 10 pa 18 di novèmber, Tim Multidisiplinario a hasi un total di 70 kontrol ekonómiko, di kua 12 establesimentu a keda será.

EA News Author

Leave a Comment