E proceso legislativo pa e Ley di Reino (Rijkswet) ta siguiendo su curso legal sin consensus, Gobienro di AVP –FUTURO a falta Parlamento di Aruba respet y dies pasa over di Parlamento di Aruba y manda un ley RMR sin sonsensus. E rol di Raad van Advies y e cooperacion entre e gobiernonan di Reino ta hunga un papel crucial prome cu e debate por wordo traslada pa Parlamento sin cu parlamento por vota pero cu mester traha un verslag riba e pensamento di e ley, aki ta aminda gobienro di AVP –FUTURO a permiti pa trapa riba Parlamento di Aruba y kita su poder pa por vota riba e ley , pero cu e proceso cu e ley ta encamina parlamento di Aruba no por vota pero traha un verslag pa wak si Tweedekamer ta tuma consideracion cu Aruba.
Segun presidente di Parlamento Marlon Sneek recien, e concepto di ley pa locual ta e HOFA a wordo manda pa Raad van Advies pa nan respectiva revision y conseho. E paso aki ta fundamental pa garantisa cu e ley ta cuadra cu e stipulacionnan di nos Statuut y otro leynan vigente den Reino.
E rol di Raad van Advies y Parlamento
Despues cu Gobienro di AVP –FUTURO a pasa parlamento di Aruba un fastball ,E proceso ta dicta cu Parlamento mester warda riba e conseho aki prome cu por habri un debate publico. Una bes cu e conseho di Raad van Advies wordo publica, e parlamentarionan lo tin e oportunidad di prepara nan mes mas a fondo riba e contenido di e ley pa traha un verslag.
- Revision Tecnico: Raad van Advies tin e tarea di “toets” (evalua) e ley pa mira si e ta duna luz berde of si tin partinan cu ta drenta den conflicto (inbreuk) cu e Statuut.
- Debate den Reino: E Rijkswet aki ta toca tur parlamento den Reino, no na Aruba
- Tratamento den Tweede Kamer: Ora cu e ley yega na Tweede Kamer na Hulanda, Aruba tin e derecho di manda un delegacion pa participa den e debate ey, asina Presidente di parlamento Marlon Sneek a indica.
Consenso entre Gobiernonan
Un punto importante cu a wordo aclaria ta cu e Rijkswet aki ta wordo negocia den un fase inicial entre e gobiernonan di e paisnan, mescos cu a sosode den pasado. E rol di Parlamento ta drenta na vigor mas fuerte durante e “landsverordening” y e debatenan formal ora e ley ta cla pa wordo trata, presidente di parlamento Marlon Sneel a splica.
Segun Presidente di parlamento Marlon Sneek ,E expectativa ta cu unabes cu e consehonan tecnico ta cla, e debate politico lo intensifica, permitiendo un miho comprension di e impacto di e leynan aki pa Aruba y e resto di e islanan den Reino.