PoliticaFeatured

Prome Minister Evelyn Wever – Croes: Firmamento di e Onderlinge Regeling ta un logro historico

Firmamento Di E Onderlinge Regeling Ta Un Logro Historico

Premier Evelyn Wever –  Croes, na su yegada di e biahe laboral na Hulanda, a organisa un Conferencia di Prensa tocante e biahe. Durante e biahe cu tabatin un duracion di un siman y mey, Prome Minster  a atende mas di 30 reunion cu varios departamento y mandatario na Hulanda riba temanan importante pa desaroyo di Pais Aruba. 

Prome Minister a para keto riba e logro di mas grandi cu a tuma luga, cual ta firmamento di “Onderlinge Regeling”, cu ta e acuerdo cu ta bin na luga di e COHO. Si e COHO a bin, hunto cu ne lo a bin un colegio consistiendo di tres persona Hulandes apunta door di Hulanda cu lo a dicidi ki reforma Aruba mester implementa pa sali for di e crisis. 

Manera cu ta conoci, Aruba no tabata di acuerdo cu esey pa motibo cu e tres personanan apunta no lo mester a responsabilisa ni na Parlamento di Aruba y ni tampoco na gobierno.

Considerando esaki a logra negocia cu Hulanda, y a sinta na mesa dialoga te ora cu a logra kita esey for di mesa. Awor tin un areglo unda cu entre gobierno, lo dicidi kico e Pais mester haci pa recupera di e pandemia. 

Prome Minister a expresa cu e ta considera esaki un logro historico hopi importante, paso ta prome biaha desde cu Premier Wever – Croes ta Prome Minister, cu Hulanda ta duna un ‘espacio’ pa bin cu alternativa despues cu a mustranan e desbentahanan di COHO. Ademas, e logro ta historico tambe pa e hecho cu Aruba, Corsou y Sint Maarten hunto, a cera cabes y bin cu e areglo aki cu despues Hulanda a aproba. Esaki a demostra un biaha mas cu Aruba, Corsou y Sint Maarten hunto por logra cosnan hopi grandi. 

Por ultimo, Prome Minister a bisa cu awor cu e areglo ta drenta na vigor, e plannan di reforma cu ya tabata implementando lo sigui wordo implementa.

Firmamento Di E Onderlinge Regeling Ta Un Logro Historico

Related posts

Prome Minister Evelyn Wever-Croes: Land Aruba Academy ta ofrece empleadonan publico e oportunidad pa desaroya nan habilidad y talentonan laboral

EA News Author

Ultimo dia pa entrega permiso pa benta di klapchi 2021

EA News Author

Boneiru a forma parti di Masters Expo 2021 na Amsterdam RAI

EA News Author

Leave a Comment

Whatsapp Message