ACE Kids Club ta habri oportunidat pa forma parti di un proyekto nobo pa siman di musika den e luna di mei. Ta asina ku e aña aki nos lo selebra e siman di musika den e promé siman di mei ku un tremendo presentashon. Pa e motibu akii ACE Kids Club ta habri e chèns pa muchanan nobo por forma parti di e evento aki.
E ultimo dos añanan e grupo di kanto, baile i aktuashon ACE Kids Club a sa di enrikesé e playlist di kantikanan pa mucha ku mas ku 10 komposishon. E grupo a presentá na diferente show aki na Boneiru. E obra teatral musikal Palu di Kuenta i Shonnan bin tende un kuenta ta dos di e produkshonnan di ACE Kids Club ku a keda presentá na 2022 i 2023. Varios video clip a wordu kreá i presentá pa muchanan ku a i ta formando parti di ACE Kids Club. Abase di varios petishon ACE Kids Club ta habri su portanan atrobe pa miembronan nobo. Nos tin espasio pa 10 mucha ku ke forma parti di ACE Kids Club, edat di 9-11 aña di edat.
Dia 4 di maart nos ta bai tin un mainta di informashon pa mayornan i tambe di prueba pa e muchanan por demonstra kiko nan por den baile, kanto i/of aktuashon. E mainta di prueba ta tuma lugá na Kristu Bon Wardador di 10-12or di mainta.
Pa mas informashon por yama of whatsapp telefon +599 79 5677 òf manda un mail na acesbonaire@gmail.com.
