Mitsy Willems, un psicologa di renombre internacional cu ta duna charla na diferente caminda y en busca di mas resultado nan inovativo pa locual ta salud mental y pa e mesun motivo aqui e ta desaroyando un protocol innovativo di terapia cu tin como obhetivo e reprogramacion neurologico di e sistema celebral. E proyecto, titula “SETMINDX “a mustra resultadonan positivo riba varios ciudadano y ta den e proceso di invetigacion pa asina e por wordo avala den futuro. Mitsy willems tin mas cu 5 aña ta bezig cu e proyecto aki.
E protocol ta basa riba un sistema di terapia di un estilo di protocol cu por dura 14 siman sin touch algun trauma cu un hende por tin. Segun Willlems, e enfoke principal ta e reprogramacion neuro-logico di e sistema celebral. “E parti neurologico y e neuroplasticidad di e celebro ta duna nos e capacidad di yega na un punto caminda nos por reprograma nos sistema,” e psicologa ta splica.
E terapia ta diseñá pa ta accesibel pa personanan di tur edad. Willlems a destaca cu tur por beneficia di e programa aki.
Willems ta bisa cu “ nos mester sa cu tur cos ta posible e ta depende di nos actitud nos por tin esaki como un aprendizaje, e aptitud cu por ta un vocacion, e importante pa nos no cay den sendetarismo”
Un di e aspectonan mas prometedor di “SETMINDX” ta su capacidad pa yuda den e proceso di recuperacion mental na unda cu por yuda cada un no solamente den depresion o ansiedad sino mas situacionan mental.
Willems a señala cu e terapia ta permiti cu e reserva cu por aumenta cu mas fortaleza a base di autoestima y cu ta beneficia den e neuroplasticidad.
Willems ta enfatisa cu nan tin “basta testimonio caba” y nan kier busca un variedad di cultura den nan research pa e protocol haya mas validacion internacional. “Mi kier busca no solamente cultura Arubiano, sino diferente tipo di cultura pa e research wordo valida mas y e protocol aki bai mas ariba,” e ta conclui.
E psicologa ta decreta cu e protocol aki, cu cobinacion diferente tecnica y enfoke, por duna un bon resultado na nos comunidad pa por yuda den e salud mental.