E luna di september aki no a cuminsa cu un “brisa fresco” den politica, sino cu un “tsunami” di noticianan. Prome Minister Mike Eman a lansa e bomba cu e ta baha for di e stoel di lider di AVP y tambe for di e posicion di Prome Minister. Y awor? Wel, awor e wega di “ken ta keda cu e stoel” a cuminsa, y e ta mas emocionante cu por iguale como un rancancamento di siboyo!
E stoel di Prome Minister: Tur hende kier un pida
Mike Eman a bisa cla y raspa: “E stoel ta di AVP.” Pero esey no a stroba e “pickman” y “pickwoman” di FUTURO di keda cu wowo riba e puesto, cla pa salta si tin oportunidad. E problema ta cu den e mesun cas di AVP, e pelea ta asina intenso cu si tin un premio pa “rancamento di siboyo ,” e participantenan lo tabata tur nominado pa medaya di oro.
E “cast” pa e proximo pelicula di gobierno
E rumornan ta cay manera yobida y e nombernan ta rondando:
Arthur Dowers: Ta zona cu e ta e proximo den fila pa bira Prome Minister. Si esey sosode, ta bisa cu e consehero di Prome Minister Eman, Robert Candelaria, lo drenta den e puesto como e nobo Minister di Husticia ?
Den Parlamento Fraccion di AVP no ta mucho convenci: E plan aki no ta cay bon cerca tur hende. Tin cu ta sinti cu e “script” no ta cuadra.
Clifford Heyliger: Corda cu Clifford a pone su ambicion “on hold” un biaha pa duna luga na e actual Minister Rene Herdé, Wel, e “on hold” ey a caba awo ? E tin e gana di bira minister ainda y e no ta scconde esey mas ?.
Parlamentario Hart: E modelo di fraccion di AVP cu kier conkista e titulo maximo como lider di AVP tambe tin e anhelo pa ta lider di AVP, e tin e zjeito pa logra ?
Marlon Sneek: E Presidente di Parlamento no ta keda atras. Tur e “lomba” cu e tin cu ta cargando e situacion ora ministernan no kier bin Parlamento, ta pone cu awor e tambe ta den e pelea pa e puesto di minister.
E “favoriet” di Eman
Mientras cu tur esaki ta pasando, Mike Eman tin su propio plan maestro. E kier pa su yiu stima, Wendrick Cecilia, bira e cara y e motor di AVP. E kier pa Wendrick ta esun cu ta guia e partido den futuro.
E situacion den AVP y den e coalicion ta mas complica cu un “knoopsgat” di un camisa bieu. Tur hende kier e puesto, y e drama ta apenas cuminsando. Lo e bira un desaster of un exito? Nos mester keda pendiente riba e desaroyonan rond di e salida di e actual Prome Minister Mike Eman, y mira con e “pickman” y “pickwoman” nan para na porta ta purba drenta.
Mientras cu esaki ta sosode e sinterklaas burger di Hulanda ta loop riba Aruba
