Shonnan tur, danki pa a ricibi nos relato di siman pasa cu brasanan habri ! Asina dushi pa tende
con contento hopi lector a keda cu nos “come-back”. Nos lo relata awe, un crenchi asina cu
algun potret di dos bunita concierto cu a tuma lugar un par di siman pasa den e Kerki chikito den
curason di Oranjestad y nos lo comparti tambe di curason, bunita potret y un poema acrostico
dedica na e dominee cu a sirbi e comunidad Protestant y turistanan di afor, cu a bishita e Kerki
sea grandi of chikito den e ultimo par di anjanan. Tur e domineenan cu a bin den e ultimo
anjanan Aruba pa traha den Kerki a duna di nan precioso tempo y curason y locual nan tawata
por. Lastimamente tin biaha no ta di duracion hopi largo, pero , e comunidad Protestant a goza di
cada un cu a yega di bin traha aki na Aruba. Nos ta comparti e poema prome, cu gradicimento pa
su excelente trabao, na Dominee Jan Rinzema.:
J an Rinzema was een wijze lieve Dominee voor een tijdje op Aruba
A ruba ontving hem en zijn mooie lieve vrouw Nynke met open armen
N a de vele inspirerende preken voor de Protestantse gemeente en toeristen gasten
R eizen ze terug, vliegen over de zee naar hun moederland Nederland
I n hun dankbaar liefdevolle hart nemen ze veel mooie herinneringen mee
N u zeggen wij “Danki” , Dank U wel Domi Jan, het gaat U goed
Z ingen en bidden blijven we doen, want dat geeft kracht en moed
E lk van ons heeft wat geleerd, ook al ga ik niet naar de kerk elke week
M aar zochten en voelden naar de mooie en positieve mogelijkheden
A ruba nu ook voor altijd dichterbij uw hart en ziel, wat een zegen
God, de allermachtige God is dezelfe God van gisteren en heden
Lady Ruth a puntra Domi Jan, kico ela hanja mas bunita di nos dushi isla Aruba y su contesta
tawata: “ e alma suave habri di su hendenan”. Ela tende cu hopi ta bin Aruba pa 3 x S : Sun,
Sand and Sea, pero e ta bisa cu bo ta bay Aruba pa 4 x S : Sun, Sand, Sea and Soul. Bunita noh ?
Prome cu Domi Jan y su esposa Nynke Rinzema a despedi di Aruba, a organisa 2 bunita
Concierto pa recauda fondo pa e.o. airco y e stoepi pafor di e kerki chikito. Nos a goza di e”
Coro da CaPo” di Catherine Provence- Hanrath . Y di un grupo di 4 violinista y un pianista, bau
di e nomber “Amigonan di Aruba”. Tawata dos bunita anochi cu hopi inspiracion. Lady Ruth a
goza di e manera espontaneo cu Catherine Provence tawata anuncia nan canticanan, cu un
crenchi storia su tras , na un manera hopi gracioso, pone un sonrisa riba tur e caranan den kerki.
Canticanan hopi alegre, manera “Chanita”den su bachi a la “coro da CaPo”, masha masha bunita
mes ! E grupo “Amigonan di Aruba”, cu den nan, un sra di Merca, “Mona Rashad” a conkista e
curasonnan cu su viool, cu ademas di su pasion pa viool ta gusta duik den nos dushi lamannan
blauw cristalino cu su amigonan nobo di Aruba.
Den e grupo musicantenan tambe, e conosido profeshonal cu curason, Hester Matthijsse ,hopi
conosi y stima aki na Aruba. Nora Lacle riba viool y tata cu yui muhe Bert Rodenburg riba
piano y Frida Rodenburg viool. Nan a presenta canticanan di e.o. Bach y Chopin. Danki pa lesa
nos relato di e siman aki, pasa un dushi dia yen di alegria y un “bearhug grandi diki gordo” pa
boso tur !
