Konseho Sosial-Ekonómiko (SER) a emití djárason 19 di yüni su konseho na
Minister di Finansa tokante e proyekto di lei pa remediá temporalmente eksigensianan fiskal pa ku pago di
impuesto atrasá i tambe pa kambia e lei di 1999 riba impuesto riba benta. E konseho aki ta resultado di un
petishon di e Minister na final di desèmber di aña pasá.
E proyekto di lei ta dirigí riba introdukshon di un pakete di alivio fiskal temporal ku e ophetivo pa stimulá
pagadónan di impuesto pa kontribuí ku nan obligashonnan fiskal pendiente. E pakete aki ta inkluí, entre otro,
un deskuento di pago temporal pa pago kompleto di impuesto atrasá i tambe eksonerashon di kobransa di
debe pa aña fiskal 2017 i añanan fiskal anterior.
E konseho ekstenso di SER ta evaluá efektividat i efikasia di e pakete proponé i kon esaki ta aliniá ku maneho di debe di impuesto atrasá i kumplimentu ku reglanan di impuesto. Ademas, e konseho ta enfatisá posibel
konsekuensianan pa ku presupuesto di pais, ku enfoke spesial riba e importansia i nesesidat di tin un
presupuesto balansá i realístiko i uso efikas di e kapasidat eksistente di kobra impuesto.