ORANJESTAD, Aruba
Durante e siman di augustus 3- 7 tur mucha di scol basico por a participa na e prome edicion digital di “Global Money Week”. Riba e pagina di Facebook di “Global Money Week” e muchanan por a mira un video cu entrevista realisa cu Cruz Cora y Fundacion Pa Nos Comunidad. Nan por a siña asina un poco mas di e fundacionnan y e trabou cu nan ta haci na beneficio di e comunidad di Aruba. Na final di e video e muchanan por a participa door di contesta e preguntanan di e cuestionario.
Dialuna ultimo a saca e 15 nombernan cu a completa e cuestionario exitosamente.
E ganadornan cu a ricibi nan tas yena cu articulonan di scol ta:
1. Stacy Reyes (12)
2. Michaella Kroonstadt (12)
3. Eva Bareño (8)
4. Kian Bareño (10)
5. Andrea Malave (7)
6. Kate Ras (7)
7. Valeria Bedoya (12)
8. Ziara Geerman (12)
9. J’K won Dirksz (8)
10. Randy Sanchez (12)
11. Whitney Ruiz (6)
12. Jeankendrick Erasmus (10)
13. Mariiannad Andrade (7)
14. Alexander Peterson (11)
15. Derrick Gutierrez (7)
Mester remarca cu dos di e ganadornan a indica cu nan lo duna nan tas yena cu e articulonan di scol na Fundacion Na Nos Comunidad. E Fundacion a ricibi e tasnan y lo entrega esakinan na e muchanan cu mas tin mester di dje. E meta di e proyecto tabata pa educa nos futuro generacion den un manera interactivo pa traha hunto den ekipo, e importancia pa duna bek y aporta na un manera positivo na nos comunidad.
Por ultimo ta felicita e 15 ganadornan y kier gradici tur e muchanan cu a participa den e prome edicion digital di “Global Money Week” y haci esaki uno exitoso. Banco di Caribe, Ennia y Kiwanis Club of Aruba ta desea e studiantenan un exitoso aña escolar 2020 – 2021 yena di bendicion.