Famia ta un bendicion, herencia cu Dios ta duna nos. Cual ta un propiedad di Dios, cu nos mester cuida y respeta. Den Genesis 1:27-28, Palabra di Dios ta bisa; Dios a crea hende segun Su mes imagen, segun E imagen di Dios E a crea hende, homber y muher E a crea nan.
Anto Dios a bendiciona nan, Y Dios a bisa nan”Sea fructifero y multiplica,y yena e tera, y haci esaki somete na bo, y goberna riba e piscanan di laman y riba e parhanan di cielo, y riba tur ser bibo cu ta move riba tera.
Dios a crea famia pa multiplicacion di hende riba mundo, pasobra multiplicacion di hende por sosode solamente den un relacion sexual entre un homber y un muher y asina nos ta yega na Famia. Pesey tambe Dios a institui matrimonio, pa tur cos keda na orden y respet y yuinan por nace den matrimonio, pa nan por wordo cuida, y lanta den caminda di Senjor door di nan mayornan. Awor nos ta bibando den temponan trabahoso, y esey no ta un secreto, pesey ta pregunta wordo haci: Si nos no cuida nos Famia Ken lo hacie pa nos?
Palabra di Dios ta bisa den Exodus 20:12 : Honra bo tata y bo mama, pa bo dianan wordo prolonga den e tera cu Senjor bo Dios ta duna bo. Mescos cu e ta bolbe ripiti den Efesios 6:1-3 bisando; Yuinan obedece boso mayornan den Senjor, pasobra esaki ta husto. Honra bo tata y bo mama ( Cu ta e prome mandamento cu un promesa, pa bay bo bon y pa bo tin bida largo riba tera.
Tur esaki por sosode depende di e guiansa cu yuinan ta ricibi di nan mayornan for di chiki. Pasobra e cuido di mayornan ta asina esencial, cu sin dje e mucha lo por trompica gravemente den su bida. Mayornan ta uni den relacion sexual y for di esey yui of yuinan ta sali, cual ta algo masha bunita, ora un mucha nace pa avisa tur hende cu nos tin un yiu, pero tur cos no a caba eynan, ta eynan responsabilidad ta cuminsa, ta eynan Dios ta haci nos resposabel, pe bendicion cu E a duna nos, pasobra tur yiu ta un bendicion.
Si nos guie den caminda di Dios, e lo resulta un bendicion pa nos, pasobra palabra di Dios ta bisa lo siguiente;Instrui e mucha den e caminda cu e mester cana,y hasta ora e bira bieu elo no aparta su mes for di dje.( Proverbionan 22:6).
Mayornan mester provee pa nan yuinan, especialmente e tata, palabra di Dios ta bisa den 1 Timoteo 5:8 : Ma si un hende no provee, pa su mes hendenan y specialmente pa esnan di su cas, e a ninga e fe, y ta peor cu un incredulo. Tambe nos mester mantene balornan di famia na halto, y tene bon cuenta cu esey no ta placa ni propiedad, pero mester tene cuenta cu lo siguiente: Pordon de Famia: Den tur cas por tin un desacuerdo, cu por bira un pleito, pero esey no mester ta algo cu nos mester tene na dje y biba den cas cu otro, sin ta papia cu otro. Nos mester pordona otro mas liher cu ta posibel, y no lubida cu palabra di Dios ta bisa, cu si nos no pordona Dios tampoco lo pordona nos,( Mateo 6:14-15). Union den famia ta un gran bendicion di Dios. ( Salmo 133). Laga nos tur lanta nos yuinan cu Respet,Responsabel, Honesto,Generoso, cu Gratitud. Laga amor prevalece tur momento.
Skirbi pa Pastor Marcel Balootje.