BonaireSaludFeatured

Sr. Gerold van Elshuis direktor interino di Komunidat i Kuido na Entidat Públiko Boneiru

Gerold Van Elshuis

Kolegio Ehekutivo di Entidat Públiko Boneiru ta kontentu di por anunsiá
nombrashon di sr Gerold van Elshuis komo direktor interino di Komunidat i Kuido.
Temporalmente e ta tuma e funshon over for di sra Silvana Janga-Serfilia, kende ta asumí
un desafio nobo dentro di nos organisashon komo Sekretario Insular athunto.
Ya pa 12 aña kaba Gerold van Elshuis ta un kara konosí den Entidat Públiko Boneiru. El a
kuminsá su karera na Entidat Públiko Boneiru komo konsehero di maneho na
departamento di Personal i Organisashon i for di luna di mart 2022 e ta trahando na
direktorado di Komunidat i Kuido komo sekretario di direktorado. Den e ròl akí el a okupá
su mes prinsipalmente ku tareanan di maneho empresarial i dunamentu di sosten na e
direktor.
Den su ròl nobo komo direktor interino, durante e lunanan binidero Gerold ta bai enfoká
riba desaroyo di e direktorado den direkshon di un direktorado di programa i riba
fortifikashon di e koherensia interno dentro di Entidat Públiko Boneiru. E ta bai traha huntu
ku partnernan lokal i Reino pa konbertí programanan manera Traha riba Progreso i
Bienestar, e programa atministrativo 2023-2027 i e akuerdo atministrativo 2024-2027 den
medidanan i aktividatnan konkreto, visibel i tangibel pa komunidat boneriano. Tambe e ke
fortifiká e direktorado su forsa di ehekushon pa medio di stimulá formashon di maneho
partisipativo i enbolbimentu di suidadanonan ku desaroyo di maneho i ehekushon.
Kolegio Ehekutivo tin tur konfiansa den liderazgo di sr Van Elshuis i su kapasidat pa
kontinuá ku e bon rumbo di e direktorado. Nos ta gradisí sra Silvana Janga-Serfilia pa su
dedikashon inkansabel, ku kua el a alsa direktorado di Komunidat i Kuido na un nivel
haltu, di manera ku esaki por desempeña su tarea adekuadamente na bienestar di
habitantenan di Boneiru. Nos ta deseá sra Silvana hopi éksito i plaser den su funshon
nobo.
Ku gran antisipashon Kolegio Ehekutivo ta wak dilanti den direkshon di e periodo di
stabilidat i plaser den trabou ku e liderazgo di sr Van Elshuis lo trese. Su ekspertisio i
vishon ta di balor inkalkulabel pa kontinuashon di nos mishon pa mehorá kalidat di bida di
Boneiru su habitantenan. Nos ta alegrá nos mes tokante e kambionan positivo ku ta bai
tuma lugá bou di su guia.

Related posts

Gobierno y comercio hunto por logra cosnan grandi pa Aruba si tin e boluntad di compronde y traha uni pa Aruba

EA News Author

Pa cierto pais Vacuna ta un exigencia pa drenta

EA News Author

Ban Papia Turismo

EA News Author

Leave a Comment

Whatsapp Message