BonaireInternacional

Tayer Kódigo di Protekshon BES i Negligensia pa empleadonan di SGB

Sgb Workshops

Empleadonan di SGB a partisipá na algun tayer tokante señalamentu di negligensia di mucha i e Kódigo di Protekshon obligatorio. E tayernan a tuma lugá dia 19 di mei 2023 durante Dia di SGB i nan tabata na enkargo di treinernan di violensia doméstiko i maltrato di mucha di Entidat Públiko Boneiru i Ministerio di Salubridat Públiko, Bienestar i Deporte. 

Negligensia ta e forma mas komun di maltrato di mucha ku konsekuensianan grandi pa desaroyo di mucha. Señalamentu ta ora bo por mira señal di negligensia i bo ke i alabes bo ta riska di pone e señalnan di negligensia akí na diskushon tambe. Den un tayer interaktivo huntu ku ‘storyteller’ Archell Thompson e partisipantenan a bai den kòmbersashon ku otro tokante e tópiko akí. 

E Kódigo di Protekshon ta drenta na vigor entrante 1 di yanüari 2023. E partnernan di kadena tin obligashon legal pa traha ku e kódigo akí, i pues e skolnan tambe. Tur organisashon tin ku traha un plan di implementashon pa ehekushon di e Kódigo di Protekshon akí. Ekspertonan por yuda nan ku esaki i ta ofresé treinen. Den e tayernan a introdusí e pasonan ku mester tuma serka e partisipantenan i a papia tokante kiko ta nesesario na skol pa implementá e kódigo akí. Pa mas informashon tokante violensia doméstiko i maltrato di mucha, wak riba www.bonairegov.com na kampaña bou di “Tei P’abo”.  

Related posts

E dia habri di ACE Kids Club tabata eksitoso

EA News Author

Entidat Públiko Boneiru ta hasi investigashon di deposishon den bisindario di Selibon

EA News Author

A lansa proyekto laboral nobo ‘Ban Traha’

EA News Author

Leave a Comment

Whatsapp Message