Featured Internacional

Tempo no a coopera na Encarnacion


Awe riba dia 4 di competencia na Encarnacion no a bay manera a spera. Desde ora nan di mainta e biento no tabata mustra favorabel drentando riba e lagoen di e banda contrario y cu pronostico di un mal tempo na caminda no tabata indica lo mihor tampoco pa e resto di dia. Asina mes ambos atleta presente na e area di competencia.
Malik Hoveling tabatin programa 4 careda awe di cual solamente un a tuma lugar. Den e careda aki nos atleta Malik no ta logra inicia den e mihor forma y apesar di un decision tuma e dia anterior pa cancela un careda den e mesun condicion, awe e hueznan a dicidi otro cu consecuencia cu nos atleta a keda na di 5 lugar. Esaki tabata e unico careda di dia, pero apesar di e resultado di awe e ta keda posiciona na di prome lugar den e tabla di posicion drentando e ultimo dia di competencia mañan diahuebs cu tin programa 6 careda.
Pa Just van Aanholt na prome instante no tabatin intencion di subi awa debi na e tiki biento den su area di competencia, pero den ora nan di atardi a hisa bandera indicando cu lo mester bay na e area pa posibel careda. E biento no tabata suficiente y tambe no tabata biniendo di un solo direccion, cual a hasi’e dificil pa inicia un careda awe. Mañan Just tin 3 careda programa y ta inicia 10’or di mainta ora di Paraguay. Potret Comitee Olimpico

Related posts

Formacion Social pa Hobennan Femenino a bira realidad

EA News Author

EPB ta firma akuerdo ku Selibon N.V. pa maneho di shushi

EA News Author

Na Boneiru a sera bar pasobra trahadónan no ta tene nan mes na karentena

EA News Author

Leave a Comment