BonaireInternacional

Timnan médiko i no médiko kla pa kuminsá bakuná kontra corona

20210216 Persberich Kg Timnan Mediko I No Mediko Kla Pa Kuminsa Bakuna Kontra Corona

Timnan di personal médiko i no médiko ta kla pará pa for di 22 di febrüari kuminsá bakuná mas o ménos 600 profeshonal den kuido. Siman pasá miembronan di e timnan a terminá un entrenamentu ku éksito ku Fundashon Mariadal i departamento di Salubridat Públiko a organisá. For di djaluna promé di mart 2021 ta bai usa e timnan pa bakuná hendenan riba 60 aña.

 

Den e timnan médiko tin enfermera, asistente di dòkter, asistente di botikario i dòkter eksperensiá. E tim no médiko ta konsistí di kolaboradó atministrativo, anfitrion i trahadó di seguridat. Durante e entrenamentu, e miembronan di tim a repasá paso pa paso loke ta spera di nan durante bakunashon.  E asistentenan di botikario i enfermeronan ta prepará e bakuna. Enfermeranan i asistentenan di dòkter ta sòru pa bakunashon. Na e sitio di prekmentu semper tin un dòkter presente pa supervishon. Enfermeranan Militza Janga-Donata, Audri Statie-Torres i Anicella Thodé di Fundashon Mariadal a entrená e personal médiko.

 

E kolaboradónan atministrativo a praktiká den e entrenamentu kon mester registrá hendenan i tambe kon prosesá esnan ku a registrá. Ku e anfitrionnan a mira kon nan tin ku risibí i guia hendenan. E personanan di seguridat a haña splikashon kiko nan mester hasi pa pèrkurá ku tur kos ta kana seif i segun regla.

 

Ta bakuná e personal den kuido na Fundashon Mariadal. Ta bakuná sobrá di poblashon na Kompleho Deportivo Jorge Nicolaas na Kaya Amsterdam òf Fundashon Cocari na Rincon. Fundashon Mariadal i Salubridat Públiko a kuminsá ku entrenamentu di e timnan na prinsipio di febrüari.

20210216 Persberich Kg Timnan Mediko I No Mediko Kla Pa Kuminsa Bakuna Kontra Corona

Related posts

Desde ayera tin un kaso positivo ku a bini aserka i un persona ku a rekuperá na Boneiru

EA News Author

Djabierne 19 di febrὕari ultimo, TCB a duna rekonosimentu na Sr. Albert Beverling prosedente di Hulanda komo embahador di Bonaire

EA News Author

Dia di Monumentonan na Boneiru

EA News Author

Leave a Comment

Whatsapp Message