RIVM na Hulanda a konfirmá ku a konstatá e tipo britániko di e vírùs di corona na Boneiru tambe. A manda diesun muestra pa RIVM, seis di eseinan a resultá di ta kontené e tipo britániko di e vírùs di corona. Awe mainta durante e konferensia di prensa tokante intensifikashon di e medidanan di corona, dòkter Marian Luinstra-Passchier no por a konfirmá esaki ainda.
E tipo britániko ta mas kontagioso ku e vírùsnan ‘mas bieu’ di corona. Pa e motibu akí i e lo bai dominá kada biaha mas tantu. Posiblemente e vírùs akí ta hasi hende un tiki mas malu tambe, kompará ku e otro tiponan na Boneiru. Awe gezaghèber Edison Rijna i dòkter Marian Luinstra-Passchier a splika ku e medidanan mas pisá ku tin awor na nivel di riesgo 5, ta adekuá pa evitá plamamentu na gran eskala di e vírùs na Boneiru.
E bakunanan ku nan ta duna awor aki ta traha bon kontra e tipo britániko akí di e vírùs. Esaki ta konta pues pa e bakuna di Pfizer tambe ku aktualmente nan ta duna na Boneiru. Ta vigilá efekto di e bakunanan kontra e tiponan nobo bon.
