BonaireFeaturedInternacional

Tourism Corporation Bonaire ta lansa ‘Capture Bonaire Photo Contest 2023’

Capture Bonaire Photo Contest 2023 Post 1

Tourism Corporation Bonaire (TCB) ta kontentu di por anunsiá su aktivashon nobo i eksitante: ‘Capture Bonaire Photo Contest 2023’. E meta mas importante di e kompetensia akí ta pa tira lus riba nos esfuersonan pa preservá e prendanan skondí di nos isla, enkurashá un espíritu di deskubrimentu i buska aventura nobo. E resonansia di e tema ‘Un obra sinfóniko di storianan nunka kontá’ ta reflehá e relashon simbiótiko entre Boneiru su bunitesa i e kurasonnan ku ta tesorá esaki. E ta pone énfasis tambe riba e echo ku ainda tin asina tantu kos pa deskubrí riba nos isla i hopi mas storia pa revelá. Pa medio di e kompetensia akí ta enkurashá e partisipantenan pa deskubrí Boneiru di nobo, bai na sitionan ménos konosí i inmortalisá e momentunan akí.

E partisipantenan por saka potrèt di Boneiru, Klein Bonaire i Parke Marino. Kada potrèt úniko ta intenshoná pa lanta kuriosidat i inspirá pa hasi un bishita na e sitionan. E kompetensia ta pa personanan di 18 aña bai ariba ku ta disponé di un kámera òf un smartphone i ku ta kompartí un afekto pa Boneiru. E yamada pa akshon akí no ta konta solamente pa nos komunidat lokal di Boneiru, pero nos bishitantenan tambe ta keda kordialmente invitá pa djòin e búskeda akí.

E ‘Capture Bonaire Photo Contest 2023’ ta dura kuater siman, esta for di 28 di ougùstùs te ku 24 di sèptèmber 2023. Dia 26 di sèptèmber 2023 ta selektá i anunsiá e tres mihó ganadónan for di tur e potrètnan ku ta bini na remarke riba e wèpsait www.bonaireisland.com/photo-contest/. Nos ta enkurashá tur partisipante tambe pa kompartí nan imágen riba medionan sosial i tag @bonaireisland i hasi uso di e siguiente hashtags: #CaptureBonaire2023 #ItsInOurNature.

E partisipantenan por gana e siguiente premionan:

Promé premio: estadia di dos anochi pa dos persona den un di e kambernan nobisnobis di Captain Don’s Habitat.

Di dos premio: un dia riba laman ku e boto nobo di Fun Trips Bonaire.

Di tres premio: un trit kulinario den e restorant nobo Zara’s Refined Dining Bonaire. 

Ku e kompetensia akí TCB ta brinda tantu nos komunidat lokal komo nos bishitantenan un manera atraktivo i kreativo pa eksperensiá Boneiru. Banda di esaki ta introdusí i pone énfasis riba eksperensianan nobo di nos isla.

Pa tur informashon i instrukshon pa partisipá, bai riba: www.bonaireisland.com/photo-contest/ 

Related posts

Hulanda a obliga gabinete Eman parti Tulp y ainda no kier para pa salvaguardia posicion di parlamento

EA News Author

Parlamentario Marco Berlis (MEP): Mocion pa mantencion structural y compra di un planta nobo pa RWZI ta nonsense pa Dowers

EA News Author

Temporada di driekiel a cuminsa

EA News Author

1 comment

Leave a Comment

Whatsapp Message