Bonaire Internacional

Tourism Corporation Bonaire ta organisá ‘Kick Off Marketing Week 2022’


For di 17 te ku 20  di yanüari 2022 Tourism Corporation Bonaire (TCB) ta organisá un Kickoff Marketing Week. Ta konsiderá e Kickoff Marketing Week komo un seri di seshon di kontinuashon di nos Kumbre di Turismo ku nos a organisá na final di e di tres kuartal di aña 2021. Meta di TCB ta pa kompartí direkshon i ophetivonan pa e aña akí i risibí ideanan relevante di interesadonan.

TCB a traha riba su plannan i metanan pa 2022 i durante e Marketing Week (Siman di Merkadeo) ta bai presentá esakinan. Di akuerdo ku e reglanan resien di COVID lo organisá e Marketing Week virtualmente.

 

E Marketing Week ta kuminsá riba djaluna 17 di yanüari ku presentashon di e Plan di Merkadeo Boneiru 2022 (Bonaire Marketing Plan 2022) ku ta na enkargo di direktor di TCB, Miles Mercera, siguí pa direktor di BONHATA, Veroesjka de Windt, ku lo presentá nan akshonnan i prioridatnan pa aña 2022.

 

Riba djamars 18 di yanüari Dunn & Co, e ofisina kreativo nobo, ta duna un presentashon di introdukshon. Dunn & Co ta e ofisina kreativo nobo ku ta traha huntu ku TCB riba e proyekto nobo di ‘rebranding’ titulá ‘Reposishonamentu di Boneiru’ komo parti di e Plan di Rekuperashon di Turismo.

Riba djárason 19 di yanüari TCB ta presentá resultado di e ‘exit survey’ i ta duna tambe un aktualisashon general di aktividatnan krusero.

Si bo ta interesá pa partisipá na e presentashonnan di e TCB Kickoff Marketing Week, sea asina bon di manda un email na: marketing@tourismbonaire.com

Related posts

Fase nobo medida corona ta duna Boneiru mas espasio

EA News Author

Entrante ougùstùs ‘Ban Traha’ ta ofresé oportunidat pa sigui un kurso pa empleado logístiko

EA News Author

Kontrabanda di droga na Boneiru rekonosé

EA News Author

Leave a Comment