Riba djaweps 29 di febrüari, alrededor di 1 or di mardugá, un patruya a spòt un Toyota Corolla koló blou ku plachi di number B-5663, ku tres okupante den dje na Hanchi Amboina. Ta trata di un vehíkulo ku a hòrta riba djamars 27 di febrüari, dilanti di un kas na Kaya Stormvogel. Pa e motibu aki a duna e shofùr òrdu pa para. El a duna oido na esaki. Despues di un investigashon, a detené tur tres okupante pa ladronisia i enkubrimentu. Ta trata di e shofùr, un hòmber di inisial J.M.R.L. di 40 aña di edat, un hòmber di inisial J.G.B. di 53 aña di edat i un hòmber di inisial E.E.H.W. di 60 aña di edat. A hiba e outo warda di polis. Investigashon den e kaso ta andando.
Tres detenshon pa ladronisia di outo
